ନିର୍ଦ୍ଦୋଶକୁ ଦୋଷୀ ସଜାଇ ଦେଲା ପୋଲିସ

ସମ୍ବଲପୁର, (ବାଘୁଆବାର୍ତ୍ତା): ନିର୍ଦ୍ଦୋଶକୁ ଦୋଷୀ ସଜାଇ ଦେଲା ପୋଲିସ । ବିନା ଦୋଷରେ ୩ ମାସ ଜେଲ୍ ଭୋଗିଲେ ଝିଅର ମା’-ବାପା । ସାବାଳିକାକୁ ନାବାଳିକା ସଜାଇଲା ପୋଲିସ । ଝିଅକୁ ୧୮ ବର୍ଷ ହେଲା ପରେ ବାହା କରାଇଥିଲେ ମା’-ବାପା । ହେଲେ ଉଦ୍ଦେଶ୍ୟମୂଳକ ଭାବେ ଗାଁ ଅଙ୍ଗନବାଡି କର୍ମୀଙ୍କ ଅଭିଯୋଗ କ୍ରମେ ନାବାଳିକାକୁ ବାହା କରାଇଥିବା ଅଭିଯୋଗରେ ମା’, ବାପା, ଶାଶୁ, ଶ୍ବଶୁର, ସ୍ବାମୀଙ୍କୁ ଗିରଫ କରିଥିଲା ବିନିକା ପୋଲିସ । ୫୦ ହଜାର ଟଙ୍କା ଦେଲେ କେସ୍ ରଫାଦଫା କରିଦେବା ନେଇ ପୋଲିସ କହିଥିବା ପୀଡିତା କହିଛନ୍ତି । ସୂଚନାଯୋଗ୍ୟ ଯେ, ସୋନପୁର ବିନକା ବ୍ଲକ ଜାମ ଛାପର ଗାଁର ବାଲେକ ଚରଣ ନାଗ ଭୁର୍ସାପାଲି ଗାଁରେ ୨୦୨୧ ମସିହା ମାର୍ଚ୍ଚ ୫ ତାରିଖରେ ବିବାହ କରିଥିଲେ । ସେତେବେଳେ ଝିଅଟିକୁ ୧୮ ବର୍ଷ ୨ ମାସ ୧୭ ଦିନ ହେଉଥିଲା । ଏପରିକି ପଞ୍ଚମ ଶ୍ରେଣୀ ସ୍କୁଲ ପରିତ୍ୟାଗ ପତ୍ରରେ (SLC)ରେ ୧୯ ଡିସେମ୍ବର ୨୦୦୨ରେ ଉଲ୍ଲେଖ ରହିଥିବା ବେଳେ ଜନ୍ମ ପ୍ରମାଣ ପତ୍ରରେ ମଧ୍ୟ ଉଲ୍ଲେଖ ରହିଛି । ତେବେ ତାଙ୍କ ଶ୍ବଶୁର ଘର ଗାଁରେ ଥିବା ଅଙ୍ଗନଓ୍ବାଡି କର୍ମୀଙ୍କ ମିଛ ଅଭିଯୋଗ ବଳରେ ଝିଅଙ୍କ ବାପା-ମା’ ୩ ମାସ ଜେଲ୍ ଦଣ୍ଡ କାଟିଥିଲେ । ସ୍ବାମୀ ଓ ଶାଶୁ, ଶ୍ବଶୁରଙ୍କୁ ଥାନାରୁ ନୋଟିସ୍ ଜରିଆରେ ଛାଡିଥିଲା ପୋଲିସ । ଶେଷରେ ବାପା-ମା’ଙ୍କୁ ୩ ମାସ ପରେ ନିର୍ଦ୍ଦୋଶରେ ଖଲାସ କଲେ କୋର୍ଟ ।