ଓଡ଼ଗାଁ, (ବାଘୁଆବାର୍ତ୍ତା): ଆଜି ରାଜ୍ୟସରକାରଙ୍କ ଦେବୋତ୍ତର ବିଭାଗ ଡେପୁଟି କମିଶନର ଦିଲ୍ଲୀପ କୁମାର ଶତପଥୀ ସପତ୍ନୀକ ଓଡ଼ଗାଁ ଗସ୍ତରେ ଆସି ଶ୍ରୀ ରଘୁନାଥ ଜୀଉଙ୍କ ମନ୍ଦିର ପରିଦର୍ଶନ କରିବା ସହ ଶ୍ରୀ ଜୀଉଙ୍କ ଦର୍ଶନ କରିଛନ୍ତି।ମନ୍ଦିର ପରିସର ବୁଲି ଦେଖିବା ସହ ଏହାର କାରୁକାର୍ଯ୍ୟ,ନିର୍ମାଣ ଶୈଳୀର ଖୁବ ପ୍ରଶଂସା କରିଥିଲେ ଓ ମନ୍ଦିର ଇତିହାସ ସମ୍ପର୍କରେ ପୂଜକ ପରିଷଦ ସଭାପତି ପ୍ରଫୁଲ୍ଲ କୁମାର ମହାପାତ୍ର ଶ୍ରୀ ଶତପଥୀଙ୍କୁ ବର୍ଣ୍ଣନା କରିଥିଲେ।
ଏହି ଅବସରରେ ଶ୍ରୀ ଜୀଉଙ୍କ ମନ୍ଦିର ସିଂହାସନ ରୁପା ଛାଉଣୀ ହେବା ସମ୍ପର୍କରେ ପୂଜକମାନଙ୍କ ସହ ବିଷଦ ଭାବରେ ଆଲୋଚନା କରିଥିଲେ।ଅନ୍ୟପକ୍ଷେ କାର୍ଯ୍ୟରତ ସେବାୟତମାନଙ୍କର ପ୍ରାପ୍ତ ବୃଦ୍ଧି କରିବା ନିମନ୍ତେ ସେବାୟତମାନେ ଅନୁରୋଧ କରିଥିଲେ।ଖୁବ ଶୀଘ୍ର ଏହାକୁ ବିଚାରକୁ ନେଇ ନିଷ୍ପତ୍ତି ନିଆଯିବ ବୋଲି ଶ୍ରୀ ଶତପଥୀ କହିଥିଲେ।ମନ୍ଦିର ପ୍ରଶାସନ ତରଫରୁ ଶ୍ରୀ ଶତପଥୀଙ୍କୁ ଉତ୍ତରୀୟ ଓ ମହାପ୍ରଭୁଙ୍କ ଫଟୋଚିତ୍ର ପ୍ରଦାନ କରାଯାଇଥିଲା।ଗସ୍ତ ସମୟରେ ଦେବୋତ୍ତର ମ୍ୟାନେଜର ତାପନରଞ୍ଜନ ପଟ୍ଟନାୟକ ଉପସ୍ଥିତ ଥିଲେ।
