ନୟାଗଡ଼,(ବାଘୁଆବାର୍ତ୍ତା): ଚଳିତ ମାସ ୭ ତାରିଖଠାରୁ ଆରମ୍ଭ ହୋଇଥିବା ଏହି ସ୍ୱତନ୍ତ୍ର ଡ୍ରାଇଭ୍ ଆସନ୍ତା ୧୪ ତାରିଖ ପର୍ଯ୍ୟନ୍ତ ଚାଲିବାକୁ ଥିବା ବେଳେ ନୟାଗଡ଼ ଜିଲ୍ଲା ୱାରେଣ୍ଟି ଗିରଫରେ ରାଜ୍ୟରେ ଆଗୁଆ ଥିବା ସୂଚନା ମିଳିଛି । ନୟାଗଡ଼ ଏସ୍ପି ସିଦ୍ଧାର୍ଥ କାଟରିଆଙ୍କ ସୂଚନାନୁସାରେ, ନୟାଗଡ଼ ଜିଲ୍ଲାରୁ ୧୩୮ ଜଣ ୱାରେଣ୍ଟି ଗିରଫ କରିବା ନେଇ ନିର୍ଦ୍ଦେଶ ରହିଥିଲା । ୩ ଦିନରେ ଜିଲ୍ଲାର ବିଭିନ୍ନ ଥାନାରୁ ୮୪ ଜଣ ୱାରେଣ୍ଟିଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି ।
