ରଣପୁର, (ବାଘୁଆବାର୍ତ୍ତା): ଆଜି ଠାରୁ ରଣପୁର ଅଧିଷ୍ଠାତ୍ରୀ ଦେବୀ ଉପର ମଣିନାଗ ପୀଠରେ ବିଶ୍ୱଶାନ୍ତି ମହାଯଜ୍ଞ ଆରମ୍ଭ ହୋଇଛି । ଏହି ଯଜ୍ଞ ଆସନ୍ତା ୧୪ ତାରିଖ ପର୍ୟ୍ୟନ୍ତ ଚାଲୁ ରହିବ ବୋଲି ମଣିନାଗ ଯଜ୍ଞ କମିଟି ତରଫରୁ ସୂଚନା ମିଳିଛି । କାର୍ୟ୍ୟସୂଚୀ ଅନୁଯାୟୀ ଚଳିତ ମାସ ୧୧ ତାରିଖରେ ଅଙ୍କୁରୋପଣ ଓ କଳସ ଯାତ୍ରା ଅନୁଷ୍ଠିତ ହୋଇଛି । ୧୨ ତାରିଖରେ ଯଜ୍ଞ ଆରମ୍ଭ, ୧୩ ତାରିଖରେ ମହାଶକ୍ତି ଯଜ୍ଞ ଆରମ୍ଭ, ୧୪ ତାରିଖରେ ପୂର୍ଣ୍ଣାହୁତି ଅନୁଷ୍ଠିତ ହେବାର କାର୍ୟ୍ୟସୂଚୀ ରହିଛି । ଏଥିରେ ଅଧ୍ୟାପକ ଗୋଦାବରୀଶ ଶତପଥୀ ମୁଖ୍ୟ ପରାମର୍ଶ ଅଟନ୍ତି । ଭକ୍ତ ମାନେ ରଣପୁର ବଧି ପୁଷ୍କରିଣୀରୁ କଳସ ବୁଡାଇ ଜଳ ପୂର୍ଣ୍ଣ କଳସକୁ ମୁଣ୍ଡରେ ମୁଣ୍ଡାଇ କଳସ ଯାତ୍ରାରେ ଚାଲି ଚାଲି ଉପର ମଣିନାଗ ପୀଠରେ ପହଂଚିଥିଲେ । ଯଜ୍ଞ କମିଟିର ସଦସ୍ୟମାନେ ଶାନ୍ତି ଶୃଙ୍ଖଳା ରକ୍ଷା କରିବା ସହ କୋଭିଡ଼ କଟକଣା ନିୟମ ପାଳନ ଉପରେ ଗୁରୁତ୍ୱ ଦେଇ ଯଜ୍ଞ କାର୍ୟ୍ୟ ଚାଲୁ ରଖିଛନ୍ତି ।
