୮୨ ବର୍ଷରେ ଇଂ ପ୍ରଭାତ କୁମାର ନନ୍ଦଙ୍କ ପରଲୋକ

କଟକ, (ବାଘୁଆବାର୍ତ୍ତା): ପୁରୁଣା କଟକର ସ୍ଵନାମଧନ୍ୟ ବ୍ୟକ୍ତି, ଶିଶୁ ସାହିତ୍ୟିକ ପୁଣ୍ୟାତ୍ମା ରାମକୃଷ୍ଣ ନନ୍ଦଙ୍କର ପୁତ୍ର ଇଂ ପ୍ରଭାତ କୁମାର ନନ୍ଦଙ୍କର ପରଲୋକ । ୮୨ ବର୍ଷ ବୟସରେ ଆଖିବୁଜିଲେ ଇଂ ପ୍ରଭାତ କୁମାର ନନ୍ଦ। ଗତ କିଛିଦିନ ହେବ ବାର୍ଦ୍ଦକ୍ୟ ଜନିତ ରୋଗରେ ପୀଡିତ ଥିଲେ । ଇଂ ପ୍ରଭାତ କୁମାର ନନ୍ଦ ଓଡ଼ିଶା ସରକାରଙ୍କ ଆରଡବ୍ଲୁଏସଏସର ମୁଖ୍ୟ ଯନ୍ତ୍ରୀ ଭାବରେ ଅବସର ଗ୍ରହଣ କରିଥିଲେ। କାର୍ଯ୍ୟକାଳ ସମୟରେ ବର୍ତ୍ତମାନର ମହାନଦୀ ସେତୁ , ବିରୁପା ବ୍ରିଜ ଏବଂ ନରାଜ ବ୍ୟାରେଜ ନିର୍ମାଣରେ ବିଶେଷ ଭୁମିକା ସହ ତାଙ୍କ ପ୍ରତ୍ୟକ୍ଷ ତତ୍ତ୍ଵାବାଧନରେ ନିର୍ମାଣ ହୋଇଥିଲା। ଅବସର ପରେ ତାଙ୍କର ସଚୋଟତା ଓ ନିଷ୍ଠା ପାଇଁ ସରକାର ତାଙ୍କୁ ଓପିଏସସିର ମେମ୍ବର ଭାବରେ ଦାୟିତ୍ୱ ଦେଇଥିଲେ। କଳା ବିକାଶ କେନ୍ଦ୍ର, ଉତ୍କଳ ସାହିତ୍ୟ ସମାଜ, ରେଭେନସା କଲିଜିଏଟ ସ୍କୁଲ ପୁରାତନ ଛାତ୍ର ସଂଘ, ଓଡ଼ିଶା ଇଂଜିନିୟରି° ଆସୋସିଏସନର ପ୍ରଭୃତି ବହୁ ସରକାରୀ, ବେସରକାରୀ ଓ ସାମାଜିକ ଅନୁଷ୍ଠାନର ସଭାପତି, ଓ କାର୍ଯ୍ୟକାରୀ ସଭାପତି ଭାବରେ କାର୍ଯ୍ୟ ତୁଲାଇ ସମସ୍ତଙ୍କର ଆସ୍ଥାଭାଜନ ହୋଇଥିଲେ। ତାଙ୍କ ବିୟୋଗରେ ବହୁ ରାଜନେତା, ସାହିତ୍ୟିକ ଲେଖକ, ସାମାଜିକ କର୍ମୀ ଓ ସ୍ଥାନୀୟ କଟକ ବାସୀ ତାଙ୍କ ବାସଭବନରେ ପହଞ୍ଚି ଶେଷ ଦର୍ଶନ କରିଥିଲେ।