ଟିପ୍ପର ଡ୍ରାଇଭରଙ୍କ ସନ୍ଦେହଜନକ ମୃତ୍ୟୁ

ଢେଙ୍କାନାଳ (ବାଘୁଆବାର୍ତ୍ତା): ଟିପ୍ପର ଡ୍ରାଇଭରଙ୍କ ସନ୍ଦେହଜନକ ମୃତ୍ୟୁ । ଢେଙ୍କାନାଳ ବଡ଼ନଗେନା ବାଲିଘାଟରୁ ମିଳିଲା ଡ୍ରାଇଭରଙ୍କ ମୃତଦେହ । ମୃତକ ସଦର ଥାନା ଖମାର ଗ୍ରାମର ରୁଦ୍ର ନାରାୟଣ ନାୟକ । ଖବର ଅନୁଯାୟୀ, ବଡ଼ନଗେନା ସ୍ଥିତ ବାଲିଘାଟରୁ ଜଣେ ଟିପ୍ପର ଡ୍ରାଇଭରଙ୍କ ମୃତଦେହ ପଡିଥିବାର ଦେଖିବାକୁ ମିଳିଥିଲା । ଏହାପରେ ତୁରନ୍ତ ପୋଲିସକୁ ଖବର ଦିଆଯାଇଥିଲା । ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିଛି । ହେଲେ ପରିବାର ପକ୍ଷରୁ ଆସିଛି ହତ୍ୟା ଅଭିଯୋଗ । ଏହି ହତ୍ୟା ଅଭିଯୋଗରେ ଦୁଇ ଜେସିବି ଅପରେଟରଙ୍କୁ ଅଟକ ରଖିଛି ପୋଲିସ । ଏହାସହିତ ମୃତଦେହକୁ ଜବତ କରି ତଦନ୍ତ ଜାରି ରଖିଛି ସଦର ପୋଲିସ ।