ଝାରସୁଗୁଡା, (ବାଘୁଆବାର୍ତ୍ତା): ମାତିଥିଲେ ବାଇକ୍ ଚୋର ଗ୍ୟାଙ୍ଗ । ଦିନ ଦ୍ୱିପ୍ରହରରେ ଚୁନା ଲଗାଇ ବାଇକ୍ ଚୋରି କରି ନେଉଥିଲେ । ଗୋଟିଏ ଗ୍ୟାଙ୍ଗ ଏହି ବାଇକ୍ ଚୋରିରେ ଲାଗିଥିଲେ । ଲୋକଙ୍କ ନିଦ ଉଡାଇ ଦେଇଥିଲେ ଏହି ଗ୍ୟାଙ୍ଗ । ଦୀର୍ଘ ଦିନ ହେବ ପୋଲିସ ସହ ଲୁଚକାଳି ଖେଳିବା ପରେ ବାଇକ୍ ଚୋରି ରାକେଟରେ ପର୍ଦ୍ଦାଫାସ୍ ହୋଇଛି । ଏହା ସହିତ ୪୨ ଚୋରା ବାଇକ୍ ଜବତ ହେବା ସହିତ ୨ ଅଭିଯୁକ୍ତ ଗିରଫ ହୋଇଛନ୍ତି । ଝାରସୁଗୁଡ଼ା ପୋଲିସ ଏକ ବାଇକ୍ ଚୋରି ରାକେଟକୁ ଧରିବାରେ ସଫଳ ହୋଇଛି l
ଏହି ରାକେଟରେ ସମ୍ପୃକ୍ତ ଦୁଇ ଜଣଙ୍କୁ ଗରଫ କରିବା ସହ ସମ୍ପୂର୍ଣ୍ଣ ଜଙ୍ଗଲରୁ ୪୨ଟି ଚୋରା ବାଇକ୍ ଜବତ କରିଛି l ଗିରଫ ଅଭିଯୁକ୍ତ ହେଲେ ଝାରସୁଗୁଡ଼ା ପୁରୁଣାବସ୍ତି ଅଞ୍ଚଳର ସନାତନ ରୋହିଦାସ (୫୨) ଓ ସୁନ୍ଦରଗଡ ଲେଫ୍ରିପଡ଼ା ଅଞ୍ଚଳର ଅନନ୍ତ ଲୁହୁରା (୫୩) । ସୂଚନା ମୁତାବକ, ବିଗତ କିଛି ଦିନ ହେବ ବାଇକ୍ ଚୋରିକୁ ନେଇ ସହରରେ ଆତଙ୍କ ସୃଷ୍ଟି ହୋଇଥିଲା । ରାକେଟକୁ କାବୁ କରିବାକୁ ଜିଲ୍ଲା ଆରକ୍ଷୀ ଅଧିକ୍ଷକଙ୍କ ନିର୍ଦ୍ଦେଶରେ ଏକ ଟିମ୍ ଗଠନ କରାଯାଇଥିଲା । ସହରର ବିଭିନ୍ନ ସ୍ଥାନରେ ଲାଗିଥିବା ସିସିଟିଭି ଫୁଟେଜ୍ ଯାଞ୍ଚ କରି ରାକେଟକୁ ଧରିବାରେ ଝାରସୁଗୁଡ଼ା ପୋଲିସ ସଫଳତା ହୋଇଛି । ସାମ୍ବାଦିକ ସମ୍ମିଳନୀରେ ଉତ୍ତରାଞ୍ଚଳ ପୋଲିସ ଆଇଜି ହିମାଂଶୁ ଲାଲ, ଝାରସୁଗୁଡ଼ା ଏସପି ସ୍ମିତ୍ ପରମାର ଏ ନେଇ ସୂଚନା ଦେଇଛନ୍ତି । ଜବତ ହୋଇଥିବା ୪୨ଟି ବାଇକ୍ ମଧ୍ୟରୁ ୨୮ଟି ଗାଡି ନେଇ ଝାରସୁଗୁଡ଼ା ଜିଲ୍ଲା ଓ ସୁନ୍ଦରଗଡ ଜିଲ୍ଲାର ବିଭିନ୍ନ ଥାନାରେ ମାମଲା ରୁଜୁ ହୋଇଛି । ଅନ୍ୟ ୧୪ଟି ବାଇକ୍ ବିଷୟରେ ତଦନ୍ତ ଚାଲିଥିବା ପୋଲିସ ସୂଚନା ଦେଇଛି ।
