ଜଙ୍ଗଲରେ ଝୁଲନ୍ତା ମୃତ ଦେହ, ଥାନାରେ ହତ୍ୟା ଅଭିଯୋଗ, ପହଞ୍ଚିନି ପୁଲିସ

ନୟାଗଡ଼,(ବାଘୁଆବାର୍ତ୍ତା); ନୟାଗଡ଼ ସଦରଥାନା ଅନ୍ତର୍ଗତ ଚାହାଳୀ ଗ୍ରାମରେ ଜଣେ ବ୍ୟକ୍ତିଙ୍କୁ ହତ୍ୟା କରାଯାଇଥିବା ଅଭିଯୋଗ ହୋଇଛି । ମୃତ ବ୍ୟକ୍ତି ଜଣଙ୍କ ହେଲେ ଚାହାଳୀ ଗ୍ରାମର ମାଟିଆ ବେହେରା । ସୂଚନାନୁସାରେ, ମାଟିଆ ତାଙ୍କ ଶାଳକୁ ଯାଇଥିବା ବେଳେ ବିଳମ୍ବିତ ସମୟ ପର୍ଯ୍ୟନ୍ତ ଘରକୁ ଫେରିନଥିଲେ । ପରିବାର ଲୋକେ ଖୋଜାଖୋଜି କରି ତାଙ୍କ ମୃତ ଦେହକୁ ଝୁଲନ୍ତା ଅବସ୍ଥାରେ ଶାଳଠାରୁ ୫ ଶହ ମିଟର ଜଙ୍ଗଲ ଭିତରେ ଠାନ କରିଥିଲେ । ତାଙ୍କ ଶାଳ ନିକଟରେ ଥିବା ଏକ ଟ୍ରାକ୍ଟର ଏବଂ ଶାଳରେ ଥିବା କ୍ରସର ମଧ୍ୟ ପୋଡ଼ି ଯାଇଥିବା ଦେଖା ଯାଇଛି । ମାଟିଆଙ୍କ ମୃତ୍ୟୁ ନେଇ ପରିବାର ଲୋକେ ଖବର ଦେବାରେ ଭୁବନେଶ୍ୱରରେ ରହୁଥିବା ପୁଅ କୃଷ୍ଣଚନ୍ଦ୍ର ବେହେରା ଆସି ସଂନ୍ଧ୍ୟା ୬ଟା ୩୦ରେ ସଦରଥାନାରେ ହାଜର ହୋଇ ଏତଲା ଦେଇଥିଲେ । ମାତ୍ର ପୁଲିସ ରାତି ୧୦ ଘଟିକା ସୁଦ୍ଧା ଘଟଣାସ୍ଥଳରେ ପହଞ୍ôଚନଥିବା ଜଣାଯାଇଛି । ପୁଲିସର ଏହି ବିଳମ୍ବତା ପଛର ରହସ୍ୟକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।