ମୋରଡ଼ା, (ବାଘୁଆବାର୍ତ୍ତା): ମୟୁରଭଞ୍ଜ ଜିଲ୍ଲା ଶୁଳିଆପଦା ଥାନା ବାଘଡ଼ା ନିକଟରେ ଦୁର୍ଘଟଣା । ସାଇକେଲ୍ ଆରୋହୀଙ୍କୁ ଧକ୍କା ଦେଲା ଟେମ୍ପୋ । ଯେଉଁଥିରେ ସ୍ୱାମୀଙ୍କର ମୃତ୍ୟୁ ହୋଇଥିବା ବେଳେ ସ୍ତ୍ରୀ ଗୁରୁତର ହୋଇଛନ୍ତି । ଗୁରୁତରଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ଖବର ଅନୁଯାୟୀ, ଦ୍ରୁତଗତିରେ ଏକ ଚାରି ଚକିଆ ଟେମ୍ପୋ ଆସୁଥିଲା । ହଠାତ୍ ଗାଡ଼ିଟି ଭାରସାମ୍ୟ ହରାଇ ଶୁଳିଆପଦା ଥାନା ବାଘଡ଼ା ନିକଟରେ ରାସ୍ତାରେ ଯାଉଥିବା ସାଇକେଲ ଆରୋହୀଙ୍କୁ ଧକ୍କା ଦେଇଥିଲା । ଯାହାଫଳରେ ସାଇକେଲରେ ଥିବା ସ୍ୱାମୀ ଓ ସ୍ତ୍ରୀ ତଳେ ପଡିଯାଇଥିଲେ। ଗାଡ଼ି ତଳେ ସ୍ୱାମୀ ଚାପି ହୋଇ ରହିଯାଇଥିବା ବେଳେ ସ୍ତ୍ରୀ ଛିଟକି ପଡିଥିଲେ । ଏହାପରେ ସ୍ଥାନୀୟ ଲୋକେ ଓ ପୋଲିସ ଗୁରୁତର ଅବସ୍ଥାରେ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରିଥିଲେ । ହେଲେ ସେଠାରେ ସ୍ୱାମୀ ପ୍ରତାପ ତୁଙ୍ଗଙ୍କୁ ମୃତ୍ୟୁ ଘୋଷଣା କରିଥିଲେ ଡାକ୍ତର । ଅନ୍ୟପଟେ ସ୍ତ୍ରୀ ଗୁରୁତର ରହିଛନ୍ତି ।
