ଗଞ୍ଜାମ ପୋଲିସର ଅପରାଧ ଦମନ ଅଭିଯାନ, ୨୦ ଦୁର୍ଦ୍ଦାନ୍ତ ଅପରାଧୀ ଗିରଫ

ଛତ୍ରପୁର, (ବାଘୁଆବାର୍ତ୍ତା): ଗଞ୍ଜାମ ପୋଲିସର ଅପରାଧ ଦମନ ଅଭିଯାନ। ଦ୍ୱିତୀୟ ପର୍ଯ୍ୟାୟରେ ୨୦ ଦୁର୍ଦ୍ଦାନ୍ତ ଅପରାଧୀଙ୍କୁ ଗିରଫ କରିବା ସହ ୧୧ ମାଉଜର, ମାଗାଜିନ ଓ ଗୁଳି ଜବତ କଲା ପୋଲିସ। ପୋଲିସ ସୂଚନା ଅନୁଯାୟୀ, ଆସିକା, ହିଞ୍ଜିଳି, କୋଟିନଡା, ଏବଂ ପୋଲସରା ଥାନା ଅଧୀନରେ ୨୦ ଦୁର୍ଦ୍ଦାନ୍ତ ଅପରାଧୀ ଗିରଫ ହୋଇଛନ୍ତି। ଏହା ସହ ପୋଲିସ ୮ ମାଉଜର, ୧୧ ମାଗାଜିନ, ୩୧ ଗୁଳି, ୧୫ ମୋବାଇଲ ଜବତ କରିଛି। ପୂର୍ବରୁ ମେ ୪ରେ ପୁଲିସ ଏହି ସବୁ ଜିଲ୍ଲାରେ ୧୮ ଅପରାଧୀଙ୍କ ସମେତ ୧୭ ମାଉଜର, ୬୬ ରାଉଣ୍ଡ ଗୁଳି, ୧୬ମୋବାଇଲ ଜବତ କରିଥିଲା।