ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଓଡ଼ଗାଁ ବ୍ଲକ ଅନ୍ତର୍ଗତ କୁରାଳ (ବେଙ୍ଗେଇସାହି)ର ସଲି ପ୍ରଧାନ ଓ ତାର ୪ ବର୍ଷର ପୁଅ, ସ୍ଵାମୀ ଯୋଗେନ୍ଦ୍ର ପ୍ରଧାନ (ବଙ୍କା )ଦ୍ଵାରା ନିର୍ଯାତିତ ହୋଇ ଜିଲ୍ଲା ଆଇନ ସେବା ପ୍ରାଧିକରଣ ଙ୍କ ଦ୍ଵାରସ୍ଥ ହୋଇଥିଲେ ।
ତତକ୍ଷଣାତ ଜିଲ୍ଲା ଆଇନ ସେବା ପ୍ରାଧିକରଣ ସଚିବ ଅଞ୍ଜଳି ମଚ୍ଛଖଣ୍ଡ ଙ୍କ ନିର୍ଦ୍ଦେଶ କ୍ରମେ ବରିଷ୍ଠ ଆଇନଜୀବୀ ରମେଶ ଚନ୍ଦ୍ର ମହାରଣା ଙ୍କ ତତ୍ବାବଧାନରେ ଅଧିକାର ମିତ୍ର ଲୀପଶା ଦାଶ, ଜିନୁ ସାହୁ , ସୋନାଲିକା ପଟ୍ଟନାୟକ, କୃପାସିନ୍ଧୁ ରାଉତ ଓ ସୂର୍ଯ୍ୟ ପ୍ରକାଶ ପଣ୍ଡା ଟାଉନ ଥାନା ପୋଲିସମାନଙ୍କ ସହଯୋଗରେ ପୀଡିତ। ଓ ତାର ପୁଅକୁ କୋର୍ଟ ପରିସରରୁ ନେଇ ସେବା ଅନୁଷ୍ଠାନ, ନୟାଗଡରେ ଥଇଥାନ କରିଛନ୍ତି । ପୋଲିସର ତତକ୍ଷଣାତ ସହଯୋଗ କରିଥିବାରୁ ସଚିବ ଅଞ୍ଜଳି ମଚ୍ଛଖଣ୍ଡ ଟା ଉନ ଥାନା ଇନ୍ସପେକ୍ଟରଙ୍କୁ ଧନ୍ୟବାଦ ଦେଇଛନ୍ତି ।
