ଫୁଲନଖରା, (ବାଘୁଆବାର୍ତ୍ତା): କଟକ ସଦର ଥାନା ଅନ୍ତର୍ଗତ ଗୋପାଳପୁର ବଢ଼େଇସାହି ନିକଟ ରେଳପୋଲ ନିକଟରେ ଜଣେ ବ୍ୟକ୍ତିଙ୍କୁ ଲୁହା ରଡରେ ପିଟି ହତ୍ୟା କରାଯାଇଛି। ମୃତ ବ୍ୟକ୍ତି ହେଉଛନ୍ତି ଢେଙ୍କାନାଳ ଜିଲ୍ଲା କାମାକ୍ଷାନଗର ଅଞ୍ଚଳର ମଧୁସୂଦନ ମହାରଣାଙ୍କ ପୁଅ ଚକ୍ରଧର ମହାରଣା(୬୦)। ଚକ୍ରଧର ଏକ ଜଳଖିଆ ଦୋକାନରେ ବସି ଚା’ ପିଉଥିବା ବେଳେ ପଛରୁ ଜଣେ ବ୍ୟକ୍ତି ଆସି ଏକ ମୋଟା ଲୁହାରଡ୍ରେ ତାଙ୍କ ମୁଣ୍ଡକୁ ଜୋରରେ ପିଟି ଦେଇଥିଲା। ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା। କଟକ ସଦର ଥାନା ପୁଲିସ ପହଞ୍ଚି ହତ୍ୟାକାରୀକୁ ଧରିବା ପାଇଁ ଉଦ୍ୟମ କରିଥିଲା।
