କୋଲକତା,(ବାଘୁଆବାର୍ତ୍ତା): ପଶ୍ଚିମବଙ୍ଗ ନିର୍ବାଚନକୁ ନେଇ ମୋଦୀ ବନାମ ଦିଦିଙ୍କ ଲଢେଇ ଯୋରଦାର ଚାଲିଛି । ଆଜି ବିଗ୍ରେଡ ପରେଡ ଗ୍ରାଉଣ୍ଡରେ ନରେନ୍ଦ୍ର ମୋଦୀ ଦିଦିଙ୍କ ଉପରେ ବର୍ଷିଛନ୍ତି । କଲିକତାରେ ବିଜେପି ଶକ୍ତି ପ୍ରଦର୍ଶନ କରିବା ସହିତ ବାମଦଳ ଓ ଟିଏମସିକୁ ଟାର୍ଗେଟ କରିଛନ୍ତି । ପରିବର୍ତ୍ତନ ପାଇଁ ବେଙ୍ଗଲ ଲୋକ ପ୍ରସ୍ତୁତ ବୋଲି କହିବା ସହ ସବକା ସାଥ୍ ସବକା ବିକାଶର ଓ ସବକା ବିଶ୍ୱାସ ଆହ୍ୱାନ ଦେଇଛନ୍ତି । ସବୁ ବର୍ଗର ଲୋକଙ୍କ ବିକାଶ ବିଜେପି ଚାହେଁ ବୋଲି ମୋଦି ଆହ୍ୱାନ ଦେଇଛନ୍ତି । ଏଥି ସହିତ ମମତା ଲୋକଙ୍କ ସାଥିରେ ନାହାନ୍ତି ବୋଲି ମୋଦୀ ସମ୍ବୋଧନ କରିଛନ୍ତି । ଅନ୍ୟ ଏକ ପକ୍ଷରେ ମମତା ଦିଦି ଏକ ରାଲି ମାଧ୍ୟମରେ ମୋଦୀଙ୍କ ଉପରେ ବର୍ଷିଛନ୍ତି । ଦରଦାମ ବୃଦ୍ଧି ସହିତ ତୈଳଦର ଓ ଗ୍ୟାସର ବୃଦ୍ଧି ଉପରେ ମୋଦି କାହିଁକି ଚୁପ୍ ବସିଛନ୍ତି ବୋଲି ଦିଦି ପ୍ରଶ୍ନ କରିଛନ୍ତି । ମୋଦୀ କେବଳ କଥା କୁହନ୍ତି, କାମରେ ଜିରୋ ବୋଲି ମମତା ବକ୍ତବ୍ୟ ରଖିଛନ୍ତି । ମାଗଣାରେ ରାସନ ଦେଉଛ, ଗ୍ୟାସ କାହିଁକି ଦଉନ ବୋଲି ପ୍ରଶ୍ନ କରିଛନ୍ତି ଦିଦି । ଏଥି ସହିତ ସାମ୍ନାସାମ୍ନି ଆଲୋଚନା କରିବାକୁ ଦିଦି ଆହ୍ୱାନ ଦେଇଛନ୍ତି । ସୂଚନାନୁସାରେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସଭାରେ ବଲିଉଡ ସୁପରଷ୍ଟାର ମିଥୁନ ଚକ୍ରବର୍ତ୍ତୀ ବିଜେପିରେ ଯୋଗ ଦେଇଛନ୍ତି ।
