ବିନିକା, (ବାଘୁଆବାର୍ତ୍ତା): ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ଥାନା ଅଞ୍ଚଳରେ ଫୁଟିଲା ଗୁଳି । ବାଇକରେ ଦୁଇ ଜଣ ଯାଉଥିବା ବେଳେ କଲେଜ ଛକ ନିକଟରେ ଅନ୍ୟ ଏକ ବାଇକରେ ଦୁଇଜଣ ମୁଖା ପିନ୍ଧି ଆସି ବନ୍ଧୁକ ଦେଖାଇ ଲୁଟ୍ ମାର କରୁଥିଲେ । ୨୦ ହଜାର ଟଙ୍କା ଲୁଟି ନେବା ସହିତ ଗୋଟାଏ ରାଉଣ୍ଡ ଗୁଳି ଚାଳନା ମଧ୍ୟ କରିଥିଲେ । ଗୁଳିମାଡରେ ଡୁଙ୍ଗୁରିପାଲିର ଧୀରେନ୍ ଭୋଇର ଗୋଡ଼ରେ ଗୁଳି ବାଜିଥିବା ଜଣାପଡିଛି । ମୁଖା ପିନ୍ଧା ଦୁଇଜଣ ଦୁବୃର୍ତ୍ତ ଗୋଟାଏ ରାଉଣ୍ଡ ଗୁଳି ଚାଳନା କରିବା ସହିତ ଧୀରେନ୍ ଭୋଇଙ୍କ ପାଖରେ ଥିବା ୨୦ ହଜାର ଟଙ୍କା ଲୁଟି ଫେରାଇ ମାରିଛନ୍ତି । ଗୁରୁତର ଅବସ୍ତାରେ ଡୁଙ୍ଗୁରିପାଲି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିବା ବେଳେ ଅବସ୍ଥା ଗୁରୁତର ଥିବାରୁ ବୁର୍ଲା ଡାକ୍ତରଖାନାକୁ ସ୍ଥାନାନ୍ତର କରାଯାଇଛି l ଡୁଙ୍ଗୁରିପାଲି ପୋଲିସ ଏହି ଘଟଣାକୁ ନେଇ ତଦନ୍ତ କରୁଥିବା ଜଣାପଡ଼ିଛି ।
