ଗଞ୍ଜେଇ ଓ ଅଟୋ ଜବତ, ୨ ଗିରଫ

ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଟାଉନଥାନା ପୁଲିସ ଏକ ଅଟୋରୁ ୨୧ କେଜି ଗଞ୍ଜେଇ ଜବତ କରିବା ସହ ୨ ଜଣଙ୍କୁ ଗିରଫ କରିଛି । ଗିରଫ ଅଭିଯୁକ୍ତ ହେଲେ ରଣପୁର ଥାନା ଖତିଆ ଗ୍ରାମର ଭୋବନା ସ୍ୱାଇଁ ଓ ସନାତନ ସ୍ୱାଇଁ । ପୁଲିସ ଜାତୀୟ ରାଜପଥ ଉପରେ ଗାଡ଼ି ଯାଞ୍ଚ କରୁଥିବା ସମୟରେ ଏହି ଦୁଇ ବ୍ୟକ୍ତି ଏକ ଅଟୋ ସାହାର୍ଯ୍ୟରେ ଗଞ୍ଜେଇ ଧରି ଆସୁଥିଲେ । ପୁଲିସ ତାଙ୍କ ଗାଡ଼ି ଯାଞ୍ଚ କରିବା ପରେ ଅଟୋ ଏବଂ ଗଞ୍ଜେଇ ଜବତ କରିଛି । ଦୁଇ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଥିବା ସୂଚନା ମିଳିଛି ।