ନୂଆଦିଲ୍ଲୀ,(ବାଘୁଆବାର୍ତ୍ତା): ରାଜ୍ୟ କୃଷି ମନ୍ତ୍ରୀ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଲେଖିଥିବା ଚିଠିକୁ ଗୁରୁତର ସହିତ ବିଚାର କରି ଆଜି କେନ୍ଦ୍ର କୃଷିମନ୍ତ୍ରୀ ଦୃଢ ନିଷ୍ପତ୍ତି ନେଇଛନ୍ତି । ଏଣିକି ଓଡ଼ିଶାର ସବୁ ଯୋଗ୍ୟ ଚାଷି ପିଏମ କିଷାନ ଯୋଜନାର ଲାଭ ପାଇବେ ବୋଲି କେନ୍ଦ୍ର କୃଷି ମନ୍ତ୍ରୀ ନରେନ୍ଦ୍ର ସିଂ ତୋମାର ଟ୍ୱୁଟ୍ କରି ସୂଚନା ଦେଇଛନ୍ତି । ମିଳିଥିବା ସୂଚନାନୁସାରେ, କିଛିଦିନ ତଳେ ଓଡ଼ିଶାର କୃଷି ଓ ଉଚ୍ଚଶିକ୍ଷା ମନ୍ତ୍ରୀ ଡ଼ ଅରୁଣ କୁମାର ସାହୁ କେନ୍ଦ୍ର ପେଟ୍ରୋଲିୟମ୍ ଓ ପ୍ରାକୃତିକ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଚିଠି ଲେଖିଥିଲେ । ଅରୁଣଙ୍କ ଚିଠିକୁ ଗୁରତର ସହିତ ନେଇ କେନ୍ଦ୍ର ମନ୍ତ୍ରୀ ଶ୍ରୀ ପ୍ରଧାନ କେନ୍ଦ୍ର କୃଷି ମନ୍ତ୍ରୀ ନରେନ୍ଦ୍ର ସିଂ ତୋମାରଙ୍କୁ ପିଏମ କିଷାନ ସଂପର୍କରେ ଚିଠି ଲେଖିଥିଲେ । ଯାହାଫଳରେ ଓଡ଼ିଶାର କୃଷି ମନ୍ତ୍ରୀ ଡ଼ ସାହୁ ଓ କେନ୍ଦ୍ର ମନ୍ତ୍ରୀ ଶ୍ରୀ ପ୍ରଧାନଙ୍କ ଚିଠି ଉପରେ ଗୁରୁତ୍ୱ ଦେଇ ଯଥାଶୀଘ୍ର ଓଡ଼ିଶାର ସମସ୍ତ ଯୋଗ୍ୟ ଚାଷିଙ୍କୁ ପିଏମ କିଷାନ ଯୋଜନାର ଲାଭ ପାଇବେ ସେଥିପ୍ରତି ଧ୍ୟାନ ଦେଇ କେନ୍ଦ୍ର କୃଷିବିଭାଗ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି । ଏଥି ସହିତ ରାଜ୍ୟ ସରକାର କରିଥିବା କାଳିଆ ଯୋଜନାକୁ ଅନୁସରଣ କରି ଏହାର ବୈଶୟୀକ ଜ୍ଞାନକୌଶଳ ଅବଲମ୍ବନ କରିବା ପାଇଁ ରାଜ୍ୟ କୃଷି ମନ୍ତ୍ରୀ ଡ଼ ସାହୁ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଚିଠି ଲେଖିଥିଲେ । ରାଜ୍ୟର ଅନେକ ଯୋଗ୍ୟଚାଷି କାଳିଆ ଯୋଜନାରେ ସାମିଲ ଥିଲେ ମଧ୍ୟ ପିଏମ କିଷାନ ଯୋଜନାରୁ ବାଦ୍ ପଡିଥିଲେ ।
ସବୁ ଯୋଗ୍ୟ ଚାଷି ପାଇବେ ପିଏମ କିଷାନ; ଧର୍ମେନ୍ଦ୍ରଙ୍କୁ ଚିଠି ଲେଖିଥିଲେ ଅରୁଣ
