ଭୁବନେଶ୍ୱର,(ବାଘୁଆବାର୍ତ୍ତା): ଦୀର୍ଘ ୨୨ବର୍ଷ ତଳେ ଘଟିଥିବା ବହୁ ଚର୍ଚ୍ଚିତ ଅଂଜନା ଗଣଦୁଷ୍କର୍ମ ଘଟଣାର ମୁଖ୍ୟ ଅଭିଯୁକ୍ତ ବିବନଙ୍କୁ ଗିରଫ୍ କରିଥିଲା କମିଶନର ପୁଲିସ । କମିଶନର ପୁଲିସ ବିବନକୁ ଗିରଫ୍ କରି ସିବିଆଇକୁ ହସ୍ତାନ୍ତର କରିଥିଲେ । କୋର୍ଟଙ୍କ ନିର୍ଦ୍ଦେଶ କ୍ରମେ ବିବନକୁ ଝାରପଡ଼ା ଜେଲକୁ ପଠାଇ ଦିଆଯାଇଥିଲା । ୨୨ବର୍ଷର ଗଣଦୁଷ୍କର୍ମ ଘଟଣାକୁ ନେଇ ଚର୍ଚ୍ଚା ହେଉଥିବା ବେଳେ ଆଜି ଝାରପଡ଼ା ଜେଲରେ ଟିଆଇ ପରେଡ କରାଯାଇଛି । ଯେଉଁଥିରେ ଅଂଜନା ମିଶ୍ର ଝାରପଡ଼ା ଜେଲକୁ ଯାଇ ଟିଆଇ ପରେଡରେ ୨୨ବର୍ଷର ଅଭିଯୁକ୍ତ ବିବନକୁ ଚିହ୍ନି ପାରିଥିଲେ । ତେବେ ଟିଆଇ ପରେଡରେ ୧୦ରୁ ୧୨ଜଣ ଅଭିଯୁକ୍ତଙ୍କୁ ଠିଆ କରେଇ ଟିଆଇ ପରେଡ ହୋଇଥିଲା । ଟିଆଇ ପରେଡ ସମୟରେ କାର ଡ୍ରାଇଭର ନିଳକଣ୍ଠ ରାଉତ ଉପସ୍ଥିତ ଥିଲେ । ଅଭିଯୁକ୍ତ ବିବନକୁ ଚିହ୍ନିପାରିଲି, ତେବେ ସବୁ କିଛି କୋର୍ଟରେ ଜଣାପଡିବ ବୋଲି ଅଂଜନା ମିଶ୍ର କହିଥିଲେ ।
