ନୟାଗଡ଼,(ବାଘୁଆବାର୍ତ୍ତା): ନକଲି ନୋଟ ଚାଲାଣ ହେଉଥିବା ବେଳେ ପୁଲିସ ହାତରେ ଧରାପଡ଼ିଲା କୋଟି କୋଟି ଟଙ୍କାର ନକଲି ନୋଟ୍ । ଏକ କାରରେ ଅଭିଯୁକ୍ତ ନକଲି ନୋଟ ନେଇ ଛତିଶଗଡ଼ରୁ ଭାଇଜାକ୍ ଯାଉଥିଲା । ତେବେ ସୁଙ୍କି ଫାଣ୍ଡି ନିକଟରେ ଧରା ହୋଇଛି ଏହି ନକଲି ନୋଟ ଭରା କାର । ନକଲି ନୋଟ ଜବତ ହେବା ସହିତ କାରରେ ଥିବା ୩ଜଣ ବ୍ୟକ୍ତିଙ୍କୁ ମଧ୍ୟ ଅଟକ ରାଖାଯାଇଛି । ଏନେଇ ସୁନାବେଡା ଏସଡିପିଓ ସୂଚନା ଦେଇଥିବା ବେଳେ କୋରାପୁଟ ଏସପି ସାମ୍ବାଦିକ ସମ୍ମିଳନୀରେ ପ୍ରକାଶ କରିଛନ୍ତି । ସୂଚନାନୁସାରେ, ଆଜି କୋରାପୁଟ ପୁଲିସର ନିର୍ଦ୍ଦେଶକ୍ରମେ ସୁଙ୍କି ଫାଣ୍ଡି ନିକଟରେ ପୁଲିସ୍ ଚେକିଂ କରୁଥିବା ଏକ କାରରେ ଛତିଶଗଡ଼ ରାୟପୁୁର ଅ ଳରୁ ନକଲି ନୋଟ ନେଇ ଭାଇଜାକ୍ ଜାଉଥିଲା । ଚେକଗେଟ ପୁଲିସ ଚେକ କଲା ସମୟରେ ଉକ୍ତ କାରରେ ପୁଲିସ କୋଟି କୋଟି ଟଙ୍କା ଦେଖି ପୁଲିସ ସନ୍ଦେହ କରିଥିଲା । ଏହାର ତଦାରଖ କଲା ପରେ ନକଲି ନୋଟ ଥିବା ଜାଣିବାକୁ ପାଇଥିଲେ । ପୁଲିସ ଏହାକୁ ଜବତ କରି ଥାନାକୁ ଆଣିଥିଲା । କାରରେ ୭ କୋଟି ୯୦ଲକ୍ଷ ଟଙ୍କାର ନକଲି ନୋଟ ଥିବା ଝାନିବାକୁ ପାଇ ଏହିସବୁ ନୋଟ ଜବତ କରିବା ସହିତ କାରରେ ଥିବା ୩ ଜଣ ବ୍ୟକ୍ତିଙ୍କୁ ଅଟକ ରଖି ପ୍ରାଥମିକ ତଦନ୍ତ ଆରମ୍ଭ କରିଛି କୋରାପୁଟ ପୁଲିସ । ଏହି ନକଲି ନୋଟ କାରବାରରେ ବଡ଼ ର୍ୟାକେଟ କାମ କରୁଥିବା ଅନୁମାନ କରାଯାଇଛି । ନଚେତ୍ ଏତେ ମାତ୍ରାର ନକଲି ନୋଟ କାହା ପାଖକୁ ଯାଉଥିଲା? କଣ ପାଇଁ ଯାଉଥିଲା । ଏହାର ତଦନ୍ତ ଆରମ୍ଭ କରିଛି । ତେବେ ପୁଲିସ ଅଟକ ରଖିଥିବା ୩ଜଣ ବ୍ୟକ୍ତିଙ୍କ ମଧ୍ୟରୁ ଜଣେ ଇଂଜିନୟର ଥିବା ବେଳେ ଆଉ ଜଣେ ଜେରକ୍ସ ଏକ୍ସପଟ ଏବଂ କାର ଡ୍ରାଇଭର ଥିବା ଜଣାପଡିଛି । ତେବେ ଏମାନଙ୍କ ଘର ରାୟପୁର ଅ ଳର ହୋଇଥିବା ନେଇ କୋରାପୁଟ ଏସପି ବି. ଗୁଣ୍ଡୁପଲ୍ଲୀ ସୂଚନା ଦେଇଛନ୍ତି ।
