ନୟାଗଡ଼,(ବାଘୁଆବାର୍ତ୍ତା): ଆରକ୍ଷୀ ଅଧିକ୍ଷକଙ୍କ କଠୋର କାର୍ଯ୍ୟାନୁଷ୍ଠାନ । ନିଲମ୍ବିତ କଲେ ୪ଜଣ ପୁଲିସ କର୍ମଚାରୀଙ୍କୁ । ଏଭଳି ଘଟଣା ଘଟିଛି ଜାରକା ଫାଣ୍ଡିରେ । ସୂଚନାନୁସାରେ, ଯାଜପୁର ଜିଲ୍ଲା ଧର୍ମଶାଳା ଥାନା ଅଧିନରେ ଥିବା ଜାରକା ଫାଣ୍ଡିକୁ ଯାଜପୁର ଆରକ୍ଷୀ ଅଧିକ୍ଷକ ଅଚାନକ ଗସ୍ତ କରିଥିଲେ । ତେବେ ଫାଣ୍ଡିରେ ଡ୍ୟୁଟି କରୁଥିବା ୪ଜଣ ପୁଲିସ କର୍ମଚାରୀ ମଦ୍ୟପାନ କରିଥିବା ଜାଣିବାକୁ ପାଇଥିଲେ । ତେବେ ସେମାନଙ୍କ ଉପରେ ଆରକ୍ଷୀ ଅଧିକ୍ଷକ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରି ଆଜି ଉକ୍ତ ପୁଲିସ କର୍ମଚାରୀମାନଙ୍କୁ ନିଲମ୍ବିତ କରିଥିବା ଜଣାପଡିଛି । ନିଲମ୍ବିତ ହୋଇଥିବା ୪ଜଣଙ୍କ ମଧ୍ୟରେ ଜାରର୍କା ଫାଣ୍ଡିର ୨ ଜଣ କନେଷ୍ଟବଳ ହୋଇଥିବା ବେଳେ ୨ ଜଣ ଓଏପିଏଫ୍ କର୍ମଚାରୀ ଥିବା ଯାଜପୁର ଆରକ୍ଷୀ ଅଧିକ୍ଷକ ରାହୁଲ ପି.ଆର ସୂଚନା ଦେଇଛନ୍ତି ।
