ପଶ୍ଚିମବଙ୍ଗ,(ବାଘୁଆବାର୍ତ୍ତା): ନିର୍ବାଚନ ତାରିଖ ଘୋଷଣାକୁ ନେଇ କ୍ଷ୍ୟୁବ୍ଧ ହୋଇଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ । ଏନେଇ ଏକ ସାମ୍ବାଦିକ ସମ୍ମିଳନୀରେ ମମତା ତାଙ୍କର ରାଗର ନିଆଁକୁ ଥଣ୍ଡା କରିବାକୁ ଉଦ୍ୟମ କରିଛନ୍ତି । ଭାରତୀୟ ନିର୍ବାଚନ କମିଶନରଙ୍କ ଉପରକୁ ପ୍ରଶ୍ନର ବଲ ଫିଙ୍ଗିଛନ୍ତି । ଯଦି କେରଳ, ତାମିଲନାଡୁ ଓ ପଣ୍ଡିଚେରୀରେ ଗୋଟିଏ ପର୍ଯ୍ୟାୟରେ ମତଦାନ ହୋଇପାରିବ ତା’ ହେଲେ ପଶ୍ଚିମବଙ୍ଗରେ କାହିଁକି ୮ଟି ପର୍ଯ୍ୟାୟରେ ମତଦାନ କରାଯିବ । କେନ୍ଦ୍ରର ଶାସକ ଦଳ ଭାରତୀୟ ଜନତା ପାର୍ଟି ଭାରତୀୟ ନିର୍ବାଚନ କମିଶନକୁ ଅପବ୍ୟବହାର କରୁଛି ବୋଲି ମୁଖ୍ୟମନ୍ତ୍ରୀ ମମତା ବାନାର୍ଜୀ ଅଭିଯୋଗ କରିଛନ୍ତି । ଭାରତୀୟ ଜନତା ପାର୍ଟି ଦେଶର ଏକତା ଚାହୁଁନି ନିଜର ସ୍ୱାର୍ଥ ପାଇଁ ମୁସଲମାନ ଓ ହିନ୍ଧୁଙ୍କ ମଧ୍ୟରେ ବିଭେଦ ସୃଷ୍ଟି କରୁଛି । ପଶ୍ଚିମବଙ୍ଗରେ ବଙ୍ଗାଳୀ ହିଁ ଶାସନ କରିବେ । ଏଠାରେ ବିଜେପିକୁ ଟିଏମସି ହରାଇବ ବୋଲି ମମତା ବାନାର୍ଜୀ ସାମ୍ବାଦିକ ସମ୍ମିଳନୀରେ ପ୍ରକାଶ କରିଛନ୍ତି ।
