ଭୁବନେଶ୍ୱର, (ବାଘୁଆବାର୍ତ୍ତା): ବିଷମକଟକ ପୋଲିସକୁ ମିଳିସା ସଫଳତା। ଟ୍ରେନ୍ ଯୋଗେ ଛତିଶଗଡ଼କୁ ଗଞ୍ଜେଇ ଚୋରା ଚାଳାଣ କରିବାକୁ ପ୍ରସ୍ତୁତ ହେଉଥିବା ବେଳେ ମାଡି ବସିଲା ପୋଲିସ । ୨୧ କେଜି ଗଞ୍ଜେଇ ଜବତ କରି ଦୁଇ ଚାଲାଣକାରୀଙ୍କୁ ପୋଲିସ ଗିରଫ କରିଛି । ଗିରଫ ମାଫିଆ ମାନେ ହେଲେ ତାମିଲନାଡୁ ରାଜ୍ୟର ଟି.ସତୀଶ କୁମାର ଓ ଉତ୍ତର ପ୍ରଦେଶର ମହମ୍ମଦ ହମିଦ୍ । ରାୟଗଡା ଜିଲ୍ଲାରେ ଏଭଳି ଘଟଣା ଘଟିଥିବାର ଖବର ଆସିଛି । ସୂଚନା ମୁତାବକ, ଚନ୍ଦ୍ରପୁରରୁ ଛତିଶଗଡକୁ ଟ୍ରେନ୍ରେ ଗଞ୍ଜେଇ ଚୋରା ଚାଲାଣ କରିବା ନିମନ୍ତେ ଦୁଇ ଚାଲାଣକାରୀ ପ୍ରସ୍ତୁତ ହେଉଥିଲେ । ଏନେଇ କୌଣସି ସୂତ୍ରରୁ ଖବର ପାଇ ବିଷମକଟକ ପୋଲିସ ବିଷମକଟକ ରେଳ ଷ୍ଟେସନ ପାଖରୁ ଦୁଇ ଜଣଙ୍କୁ ସନ୍ଦେହରେ ଅଟକ ରଖିଥିଲା । ସେମାନଙ୍କୁ ପଚରାଉଚରା କରିଥିଲା ଏବଂ ତାଙ୍କ ପାଖରେ ଥିବା ୩ ଟି ବ୍ୟାଗ୍କୁ ମଧ୍ୟ ଯାଞ୍ଚ କରିଥିଲା । ଯାଞ୍ଚ ବେଳେ ଉକ୍ତ ବ୍ୟାଗ୍ରୁ ୨୧ କିଲୋ ଗଞ୍ଜେଇ ଜବତ ହୋଇଛି । ଜବତ ଗଞ୍ଜେଇର ଆନୁମାନିକ ମୂଲ୍ୟ ୨ଲକ୍ଷ ଟଙ୍କା ହେବ ବୋଲି ଜଣାପଡ଼ିଛି । ଘଟଣାରେ ସମ୍ପୃକ୍ତ ଅଭିଯୁକ୍ତଙ୍କୁ ପୋଲିସ ଗିରଫ କରି ଘଟଣାର ତଦନ୍ତ ଚଳାଇଛି ।
