ନବରଙ୍ଗପୁର, (ବାଘୁଆବାର୍ତ୍ତା): ଭିଜିଲାନ୍ସ ଜାଲରେ ଦୁଇ ସରକାରୀ କର୍ମଚାରୀ । ଭିଜିଲାନ୍ସ ଜାଲରେ ଧରାପଡିଲେ ନବରଙ୍ଗପୁର ଜିଲ୍ଲା ଉମରକୋଟ କୃଷି ବିଭାଗର ଦୁଇ କର୍ମଚାରୀ। ଜଣେ ଚାଷୀଙ୍କ ଠାରୁ ଜଳ ନିଧି ଯୋଜନାର ସବସିଡି କରାଇ ଦେବା ପାଇଁ ୫ ହଜାର ଟଙ୍କା ଲାଞ୍ଚ ନେଉଥିବା ବେଳେ ଧରାପଡ଼ିଲେ ଅତିରିକ୍ତ କୃଷି ଅଧିକାରୀ ନୀଳକଣ୍ଠ ପରିଡା। ଏହା ସହ ଡାଟା ଏଣ୍ଟ୍ରି ଅପରେଟର ସୁରେନ୍ଦ୍ର ବୁନ୍ଦେଲାଙ୍କୁ ବି ମାଡିବସିଲା ଭିଜିଲାନ୍ସ । ଜଳନିଧି ଯୋଜନାରେ ଉମରକୋଟ ବ୍ଲକ ଜମରଣ୍ଡାର ଚାଷୀ ଲକ୍ଷ୍ମୀଧର ମାଝୀଙ୍କ ଜମିରେ ବୋରୱେଲ ସବସିଡି କରାଇଦେବା ପାଇଁ ୫ ହଜାର ଟଙ୍କା ଲାଞ୍ଚ ନେବା ବେଳେ ଭିଜିଲାନ୍ସ ମାଡି ବସିଥିଲା । ଏହି ଚଢ଼ାଉ ରେ ନବରଙ୍ଗପୁର ଓ ଜୟପୁର ଭିଜିଲାନ୍ସ ଟିମ ସାମିଲ ଥିଲେ ।
