ନୟାଗଡ଼,(ବାଘୁଆବାର୍ତ୍ତା): ଆଜି ନୟାଗଡ଼ ବନଖଣ୍ଡ ଅଧିକାରୀ ଧନରାଜ୍ ଏଚ୍.ଡି, ଉପଜିଲ୍ଲାପାଳ ଲଗ୍ନଜିତ ରାଉତ, ନୟାଗଡ଼ ତହସିଲଦାର ଭିକାରୀ ସାହୁ, ନୂଆଗାଁ ତହସିଲଦାର ଶରତ କୁମାର ମଲ୍ଲିକ, ଏସିଏଫ୍ ଅରବିନ୍ଦ ମହାନ୍ତି, ବନକର୍ମଚାରୀଙ୍କ ସହ ପାଣିପୋଇଲା ନିକଟସ୍ଥ ଜଙ୍ଗଲ ଜମିରେ ବେଆଇନ ଜବରଦଖଲ କରି ଚାଲିଥିବା କ୍ରସର ଉପରେ ଚଢ଼ାଉ କରି ଏହାକୁ ଭାଙ୍ଗିଛନ୍ତି । ସନ୍ତୋଷ ମୁଦୁଲିଙ୍କ କ୍ରସର ଭାଙ୍ଗିବା ସମୟରେ ସନ୍ତୋଷ ପ୍ରଶାସନିକ ଅଧିକାରୀଙ୍କୁ ଗାଳି ଗୁଲଜ କରିବା ଆକ୍ରମଣ କରିବାକୁ ଉତ୍ୟକ୍ତ ହୋଇଥିଲେ । ଘଟଣାସ୍ଥଳରେ ପୁଲିସ ପହଞ୍ଚି ସନ୍ତୋଷ ଏବଂ ତାଙ୍କ ବଡ଼ ଭାଇ ରମେଶ ଚନ୍ଦ୍ର ମୁଦୁଲିଙ୍କୁ ଥାନାରେ ଅଟକ ରଖିଛି । ସେହିଭଳି ଭାବେ ସୁଜିତ ଜବରଦଖଲ ଜାଗାରେ କରିଥିବା କ୍ରସର ବନ୍ଦ କରି ଦେଇଥିବା ବେଳେ ଜବରଦଖଲ କରିଥିବା ୯ ଏକର ଜାଗା ଉଚ୍ଛେଦ କରିଛନ୍ତି ।
