ରାଉରକେଲା, (ବାଘୁଆବାର୍ତ୍ତା): ରାଉରକେଲା ଡବଲ ମର୍ଡର ଘଟଣାରେ ୭ ଗିରଫ । ଚାନ୍ଦିପୋଷ ଥାନା ଅନ୍ତର୍ଗତ କୁମାକେଲା ବ୍ରିଜ ତଳୁ ମହିଳାଙ୍କ ଅର୍ଦ୍ଧଦଗ୍ଧ ମୃତଦେହ ଠାବ ଘଟଣା । ହତ୍ୟାକାଣ୍ଡରେ ସମ୍ପୃକ୍ତ ମୃତ ମହିଳାଙ୍କ ଭଉଣୀ ସମେତ ୭ଜଣ ଅଭିଯୁକ୍ତ ଗିରଫ। ହତ୍ୟାକାଣ୍ଡର ମାଷ୍ଟରମାଇଣ୍ଡ ମୃତ ମହିଳାଙ୍କ ଭଉଣୀ ଥିଲା ବୋଲି ଜଣାପଡିଛି । ଟଙ୍କା କାରବାରକୁ ନେଇ ଉବୟ ଭଉଣୀଙ୍କ ମଧ୍ୟରେ ବାଦବିବାଦ ଥିଲା । ଯେଉଁଥିପାଇଁ ଏହି ହତ୍ୟାକାଣ୍ଡ ହୋଇଥିବା ନେଇ ସନ୍ଦେହ କରାଯାଉଛି । ଗିରଫ ଅଭିଯୁକ୍ତଙ୍କ ନିକଟରୁ ଗୋଟିଏ କାର, ହତ୍ୟାରେ ବ୍ୟବହୃତ ଚାପଡ, ଛୁରୀ ଜଵତ। ମୃତ ମହିଳାଙ୍କ ମୋବାଇଲ ଫୋନ ଆଜି ରାଉରକେଲା ଡିଏଭି ପୋଖରୀରୁ ପୋଲିସ ଓ ଅଗ୍ନିଶମ ବାହିନୀ ଉଦ୍ଧାର କରିଥିଲେ। ସିଭିଲଟାଉନସିପ ଅଞ୍ଚଳରେ ରହୁଥିବା ବ୍ୟବସାୟୀ ଵିନୋଦ ଦାରୁକାଙ୍କ ଘରେ ଓ ଅଫିସରେ କାମ କରୁଥିଲେ ମୃତ ମହିଳା। ଗତ ୧୧ ତାରିଖ ମହିଳାଙ୍କୁ ହତ୍ୟା କରାଯାଇଥିବା ବେଳେ ୧୨ ତାରିଖ ମୃତଦେହ ଉଦ୍ଧାର କରାଯାଇଥିଲା । ଏପଟେ ବ୍ୟବସାୟୀ ଵିନୋଦ ଦାରୁକାଙ୍କୁ ୧୪ ତାରିଖ ହତ୍ୟା କରାଯାଇଥିଲା। ସୁନ୍ଦରଗଡ଼ ଜିଲ୍ଲା କୁତ୍ରା ଥାନା ଅନ୍ତର୍ଗତ ଗମାରଡିହି ନିକଟରୁ ଵିନୋଦଙ୍କ ମୃତଦେହ ଉଦ୍ଧାର କରାଯାଇଥିଲା। ଗିରଫ ୬ ଜଣଙ୍କ ମଧ୍ୟରୁ ବ୍ୟବସାୟୀଙ୍କୁ ହତ୍ୟା ଘଟଣାରେ ୩ ଜଣ ସମ୍ପୃକ୍ତ ଥିବା ପୋଲିସର ପ୍ରାଥମିକ ତଦନ୍ତରୁ ଜଣାପଡିଛି।
