ନୟାଗଡ଼,(ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ଇଟାମାଟି ଯଦୁମଣି ଆଥଲେଟିକ୍ ଆସୋସିଏନ୍ ଆନୁକୂଲ୍ୟରେ ଇଟାମାଟି କପ୍ ରାଜ୍ୟସ୍ତରୀୟ ଫୁଟବଲ ଟୁର୍ଣ୍ଣାମେଣ୍ଟ ଫାଇନାଲ୍ ମ୍ୟାଚ ଆଜି ଅନୁଷ୍ଠିତ ହୋଇଯାଇଛି । ତରତୁଆ ଫୁଟବଲ କ୍ଲବ ଏବଂ ଇଟାମାଟି ଦଳ ମଧ୍ୟରେ ସଂଘର୍ଷ ପୂର୍ଣ୍ଣ ମ୍ୟାଚରେ ତରତୁଆ ଦଳ ୨-୦ ଗୋଲରେ ବିଜୟୀ ହୋଇଛି । ନୟାଗଡ଼ ବିଧାୟକ ତଥା ମନ୍ତ୍ରୀ ଡ. ଅରୁଣ କୁମାର ସାହୁ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ନୟାଗଡ଼ ବନଖଣ୍ଡ ଅଧିକାରୀ ଧନରାଜ୍ ଏଚ୍.ଡି ଓ ଇଟାମାଟି ସରପଞ୍ଚ ସୋନାଲିକା ମନ୍ଥନ ସମ୍ମାନୀତ ଅତିଥି ଭାବେ ଯୋଗେଦଇ ଖେଳାଳୀମାନଙ୍କୁ ଉତ୍ସାହିତ କରିଥିଲେ । ତରତୁଆ ଫୁଟବଲ କ୍ଲବର ମନୋଜ ସ୍ୱାଇଁ ମ୍ୟାଚରେ ଭଲ ପ୍ରଦର୍ଶନ କରି ମ୍ୟାନ ଅଫ୍ ଦ ମ୍ୟାଚ ବିବେଚିତ ହୋଇଥିଲେ । ସେହିଭଳି ଭାବେ ଆକାଶ ଦେହୁରୀ ମ୍ୟାନ ଅଫ୍ ଟୁର୍ଣ୍ଣାମେଣ୍ଟ ଘୋଷିତ ହୋଇଛନ୍ତି । ଆଜିର ଏହି ମ୍ୟାଚକୁ ମୁଖ୍ୟ ରେଫରୀ ରାଜୁ ମହାନ୍ତି, ସହକାରୀ ରେଫରୀ ଭାବେ ପ୍ରିୟ ବାହିନୀପତି, ପ୍ରଫୁଲ୍ଲ କୁମାର ବେହେରା, ପ୍ରଶନ୍ନ ନାୟକ ଖେଳକୁ ପରିଚାଳନା କରିଥିଲେ ।
