ବୋରିଗୁମ୍ମା, (ବାଘୁଆବାର୍ତ୍ତା): ବୋରିଗୁମ୍ମା ବ୍ଲକ ବିସିଂହପୁର ଥାନା ଅଞ୍ଚଳରେ ଦିନ ଦ୍ବିପହରରେ ଲୁଟ। ଜଣେ ପଞ୍ଚାୟତ ନିର୍ବାହୀ ଅଧିକାରୀଙ୍କୁ ଦୁର୍ବୃତ୍ତମାନେ ଛୁରୀ ଦେଖାଇ ୮ଲକ୍ଷ ୫୯ ହଜାର ୩୦୦ ଟଙ୍କା ଲୁଟି ନେଇଛନ୍ତି। ଲୁଟର ଶିକାର ହୋଇଛନ୍ତି ବୋଡ଼ିଗାଁ ପଞ୍ଚାୟତର ପିଇଓ ଅର୍ଜୁନ ପାତ୍ର । ବୋଡିଗାଁ ପିଇଓ ଅର୍ଜୁନ ପାତ୍ର ଶନିବାର ବ୍ଲକ କାର୍ଯ୍ୟାଳୟ ରୁ ଏକ ବ୍ୟାଗ ରେ ଟଙ୍କା ନେଇ ବାର୍ଦ୍ଧକ୍ୟ ଭତ୍ତା ବାଣ୍ଟିବା ପାଇଁ ପଞ୍ଚାୟତ କାର୍ଯ୍ୟାଳୟ କୁ ଯାଉଥିଲେ । ୬ ଜଣ ଦୃର୍ବୁତ୍ତ ୩ଟି ବାଇକ୍ ରେ ଆସି ରତାଳି ରାସ୍ତା ମଝିରେ ରଖି ପିଇଓଙ୍କ ବାଇକକୁ ଅଟକାଇ ଥିଲେ । ପିଇଓ ବାଇକ୍ ଅଟକକିବା କ୍ଷଣି ଛୁରୀ ଦେଖାଇ ଆକ୍ରମଣ କରି ତାଙ୍କ ଟଙ୍କା ବ୍ୟାଗ ଝାମ୍ଫି ନେଲେ । ସେଠାରୁ ଯିବା ବେଳେ ପିଇଓ ଙ୍କ ବାଇକ ଜମି ତଳ କୁ ଠେଲି ଦେବା ସହ ତାଙ୍କ ଫୋନ୍ ଫୋଫାଡି ଦେଇ ଚମ୍ପଟ ମାରିଥିଲେ ଦୃର୍ବୁତ୍ତ । ଖବର ପାଇ ବୋଡ଼ିଗାଁ ସରପଂଚ କରୁଣା ବଡନାୟକ ଓ ସ୍ଥାନୀୟ ଲୋକ ପହଞ୍ଚି ପିଇଓ ଙ୍କ ବାଇକ ଏବଂ ଫୋନ୍ ଉଦ୍ଧାର କରି ବିସିଂପୁର ପୋଲିସ ଏବଂ ବୋରିଗୁମ୍ମା ବିଡ଼ିଓ ଙ୍କୁ ଖବର ଦେଇଥିଲେ । ଘଟଣା ସ୍ଥଳରେ ବି ସିଂପୁର ପୋଲିସ ପହଞ୍ଚି ଘଟଣାର ଛାନ ଭିନ ଆରମ୍ଭ କରିଛି।
