ପୁରୀ, (ବାଘୁଆବାର୍ତ୍ତା): କାଳ ସାଜିଲା ଦ୍ରୁତ ଗତି। ନିୟନ୍ତ୍ରଣ ହରାଇ ମନ୍ଦିର ଆଗରେ ଥିବା ଚାନ୍ଦିନୀରେ ପିଟି ହେଲା ବାଇକ। ଏଥିରେ ୩ ଜଣଙ୍କ ମୃତ୍ୟୁ ହୋଇଛି। ଏହି ମର୍ମନ୍ତୁଦ ଦୁର୍ଘଟଣା ପୁରୀ ଜିଲ୍ଲା ନିମାପଡ଼ା-କୋଣାର୍କ ରାସ୍ତାର ବଢ଼େଇ ଛକରେ ଘଟିଛି। ରାତି ପ୍ରାୟ ଦୁଇଟାରେ ଘଟିଛି ଏହି ଦୁର୍ଘଟଣା। ସୂଚନା ଅନୁଯାୟୀ, ମୃତକ ହେଲେ ଚାରିଛକ ଦଣ୍ଡକିରି ଅଞ୍ଚଳର ସାଗର ମଲ୍ଲିକ, ଦୀପକ ମଲ୍ଲିକ ଓ ତୁଳସୀପୁରର ଜୟପ୍ରକାଶ ସାହୁ। ଏମାନେ ତିନି ଜଣ ଗୋଟିଏ ବାଇକରେ ଦ୍ରୁତ ଗତିରେ ଆସୁଥିବା ବେଳେ ଭାରସାମ୍ୟ ହରାଇ ମଣ୍ଡପରେ ପିଟି ହୋଇଥିଲେ। ସେଠାରେ ଦୁଇଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ହୋଇଥିଲେ । ଚମ୍ପାହାର ଅଗ୍ନିଶମ ବାହିନୀ ପହଞ୍ଚି ୩ ଜଣକୁ ଗୋପ ମେଡିକାଲ ନେଇଥିଲା। ସାଗର ମଲ୍ଲିକଙ୍କୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି ହୋଇଥିଲେ ସେଠାରେ ତାଙ୍କର ମୃତ୍ୟୁ ହୋଇଛି। ଆଗରୁ ମଧ୍ୟ ଏହି ବଢ଼େଇ ଛକରେ ଅନେକ ଦୁର୍ଘଟଣା ଘଟିଥିବା ସ୍ଥାନୀୟ ଲୋକେ କହିଛନ୍ତି।
