ଭୁବନେଶ୍ୱର, (ବାଘୁଆବାର୍ତ୍ତା): ରେଢାଖୋଲରେ ଓଲଟିଲା ପିକଅପ ଗାଡି। ଦୁର୍ଘଟଣାରେ ସଂକୀର୍ତ୍ତନ୍ନ ଦଳର ୨୨ ଜଣ ଆହତ ହୋଇଥିବା ବେଳେ ୮ ଜଣ ଗୁରୁତର ହୋଇଛନ୍ତିି। ସମସ୍ତଙ୍କୁ ସ୍ଥାନୀୟଲୋକ ଉଦ୍ଧାର କରି ନିକଟସ୍ଥ ହସ୍ପିଟାଲକୁ ପଠାଇଥିବା ସୂଚନା ମିଳିଛି। ସୂଚନା ମୁତାବିକ, ଗୁରୁବାର ଏକ ସଂକୀର୍ତ୍ତନ୍ନ ଦଳ କାମ ସାରି ସୋନପୁରରୁ ବୌଦ୍ଧକୁ ଫେରୁଥିଲେ । ରେଢାଖୋଲ କଦଳୀଗଡ ଧଉରାଖମନ ନିକଟ ଏକ ବୁଲାଣୀରେ ପିକ୍ଅପ୍ ଗାଡ଼ି ଭାରସାମ୍ୟ ହରାଇଥିଲା। ଡ୍ରାଇଭର ଗାଡ଼ିକୁ ନିୟନ୍ତ୍ରଣ କରିପାରିନଥିଲେ। ଫଳରେ ଗାଡ଼ି ଭାରସାମ୍ୟ ହରାଇ ରାସ୍ତା ମଝିରେ ଓଲଟିପଡ଼ିଲା। ଗାଡ଼ିରେ ଥିବା ସଂକୀର୍ତ୍ତନ୍ନ ଦଳ କିଛି ସଦସ୍ୟ ଗାଡ଼ି ବାହରକୁ ଛିଟିକି ପଡ଼ିଥିବା ବେଳେ କିଛି ତଳେ ଚାପିହୋଇ ରହିଥିଲେ । ସ୍ଥାନୀୟଲୋକ ଆହତ ଯାତ୍ରୀମାନଙ୍କୁ ଉଦ୍ଧାର କରିବା ସହ ମେଡିକାଲକୁ ପଠାଇଥିଲେ। ଦୁର୍ଘଟଣା ୨୨ ଜଣ ଆହତ ହୋଇଥିବା ବେଳେ ୮ ଗୁରୁତର ହୋଇଥିବା ଜଣାପଡିଛି।
