ଜନପ୍ରତିନିଧି ଓ ପ୍ରଶାସନ ମଧ୍ୟରେ ବନ୍ଧୁତ୍ବପୂର୍ଣ୍ଣ କ୍ରିକେଟ ମ୍ୟାଚ

କ ନୂଆଗାଁ, (ବାଘୁଆବାର୍ତ୍ତା): କନ୍ଧମାଳ ଜିଲ୍ଲାର କ.ନୂଆଁ ଗାଁରେ ୭୬ ତମ ସାଧାରଣତନ୍ତ୍ର ଦିବସ ଉପଲକ୍ଷେ ସ୍ଥାନୀୟ ଉଚ୍ଚ ବିଦ୍ୟାଳୟ ପଡିଆରେ ଜନପ୍ରତିନିଧି ଓ ବ୍ଲକ୍ ପ୍ରଶାସନ ମଧ୍ୟରେ ବନ୍ଧୁତ୍ବପୂର୍ଣ୍ଣ କ୍ରିକେଟ ମ୍ୟାଚ ଅନୁଷ୍ଠିତ ହୋଇଯାଇଛି । ଉକ୍ତ ବନ୍ଧୁତ୍ବପୂର୍ଣ୍ଣ ମ୍ୟାଚରେ ମୁଖ୍ୟ ଅତିଥି ଭାବେ କ ନୂଆଁଗାଁ ବ୍ଲକ୍ ଅଧ୍ୟକ୍ଷା ଶ୍ରୀମତୀ ସୁଲୋଚନା ଦଳବେହେରା ସମ୍ମାନୀତ ଅତିଥି ରୂପେ ପଞ୍ଚାୟତ ନିର୍ବାହୀ ଅଧିକାରୀ ତଥା ଭାରପ୍ରାପ୍ତ ଜିପିଓ ଅନୀଲ କୁମାର ପାତ୍ର, ଯୋଗ ଦେଇ ଥିଲେ । ଏହି ମ୍ୟାଚଟି ଜନପ୍ରତିନିଧି ଓ ପ୍ରଶାସନ ମଧ୍ୟରେ ସୁସମ୍ପର୍କ ରଖିବା ପାଇଁଁ ଅନୁଷ୍ଠିତ ହୋଇଥିଲା । ମ୍ୟାଚଟି ଜନପ୍ରତିନିଧି ଟିମ୍ ର ନେତୃତ୍ବ ବାଲିଗୁଡା ବିଧାୟକ ଶ୍ରୀଯୁକ୍ତ ଚକ୍ରମଣୀ କହଁର ନେଇଥିବା ବେଳେ ବ୍ଲକ୍ ପ୍ରଶାସନ ଟିମ୍ ର ନେତୃତ୍ବ ବିଡ଼ିଓ ଶ୍ରୀ ଅକ୍ଷୟ କୁମାର ମଲିକ ନେଇଥିଲେ । ମ୍ୟାଚ ୧୨ ଓଭର ବିଶିଷ୍ଟ କରାଯାଇଥିଲା । ସେଥିରେ ଜନପ୍ରତିନିଧି ଟିମ୍ କୁ ପରାସ୍ତ କରି ପ୍ରଶାସନ ଟିମ୍ ବିଜୟୀ ଲାଭ କରିଥିଲା । ଏହି ପରି ଜନପ୍ରତିନିଧି ଓ ପ୍ରଶାସନ ମଧ୍ୟରେ ସୁସମ୍ପର୍କ ରକ୍ଷା କରିବା ପାଇଁ କାର୍ଯ୍ୟ କ୍ରମ କରାଯାଇ ଥିବାରୁ ଅଞ୍ଚଳର ବୁଦ୍ଧି ଜୀବି ଓ ଜନସାଧାରଣ ମାନଙ୍କ ଗହଣରେ ପ୍ରଶଂସା କରୁଥିବା ଦେଖିବାକୁ ମିଳିଥିଲା ।