ଜି.ଉଦୟଗିରି, (ବାଘୁଆବାର୍ତ୍ତା): ଭାରସାମ୍ୟ ହରାଇ କଳିଙ୍ଗା ଘାଟିରେ ଓଲଟିଲା ଲୁହା ରଡ୍ ବୋଝେଇ ଟ୍ରକ୍ । ଏହି ଦୁର୍ଘଟଣା ଫଳରେ ଘାଟି ରାସ୍ତା ଦେଇ ଯାତାୟତ ବାଧାପ୍ରାପ୍ତ ହୋଇଛି । ଯାହା ଦ୍ୱାରା କନ୍ଧମାଳ ଜିଲ୍ଲାରୁ ଭୁବନେଶ୍ବର, ବ୍ରହ୍ମପୁର, ରାୟଗଡ଼ା, ରାୟପୁର ଆଦି ଯିବାକୁ ଥିବା ଅନେକ ଯାନବାହନ, ବସ୍ ଓ ମାଲ ବୋଝେଇ ଟ୍ରକ୍ ଦୁଇ ପାର୍ଶ୍ଵରେ ଅଟକି ରହିଛି । ଗଜପତି ଜିଲ୍ଲା କଳିଙ୍ଗା ଘାଟିରେ ଏଭଳି ଘଟଣା ଘଟିଥିବାର ଖବର ସାମ୍ନାକୁ ଆସିଛି । ସୂଚନା ମୁତାବକ, ଏକ ଲୁହା ରଡ୍ ବୋଝେଇ ଟ୍ରକ୍ କଳିଙ୍ଗା ଘାଟି ରାସ୍ତା ଦେଇ ଯାଉଥିଲା । ଘାଟି ରାସ୍ତା ଦେଇ ଯିବା ବେଳେ ମଧ୍ୟ ରାତ୍ରରେ ଭାରସାମ୍ୟ ହରାଇ ରାସ୍ତା ଉପରେ ଟ୍ରକ୍ଟି ଓଲଟି ପଡିଥିଲା । ରାସ୍ତା ଉପରେ ରଡ୍ ଗୁଡ଼ିକ ପଡ଼ିଯିବାରୁ ଘାଟି ରାସ୍ତା ଦେଇ ଯାତାୟତ ବାଧାପ୍ରାପ୍ତ ହୋଇଛି । ଫଳରେ କନ୍ଧମାଳ ଜିଲ୍ଲାରୁ ଭୁବନେଶ୍ବର, ବ୍ରହ୍ମପୁର, ରାୟଗଡ଼ା, ରାୟପୁର ଆଦି ଯିବାକୁ ଥିବା ଅନେକ ଯାନବାହନ, ବସ୍ ଓ ମାଲ ବୋଝେଇ ଟ୍ରକ ଦୁଇ ପାର୍ଶ୍ଵରେ ଅଟକି ରହିଥିବାର ଦେଖିବାକୁ ମିଳିଛି । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ସ୍ଥିତି ନିୟନ୍ତ୍ରଣ କରିବାକୁ ଚେଷ୍ଟା ଚଳାଇଛି ।
