ମୁକ୍ତିଲାଭ କଲା ଫିଲ୍ମ ’ଏମରଜେନ୍ସି’

ଭୁବନେଶ୍ବର, (ବାଘୁଆବାର୍ତ୍ତା): ବହୁ ପ୍ରତୀକ୍ଷା ପରେ ମୁକ୍ତିଲାଭ କରିଛି ଫିଲ୍ମ ଏମରଜେନ୍ସି। ଫିଲ୍ମି ଫ୍ରାଇଡେରେ ଏହି ଫିଲ୍ମଟି ସାରା ଦେଶରେ ମୁକ୍ତିଲାଭ କରିଛି। ସେପଟେ ଫିଲ୍ମର ରିଲିଜ ବିରୋଧରେ ଆରମ୍ଭ ହୋଇଛି ଆନ୍ଦୋଳନ। ପଞ୍ଜାବ ଅମୃତସରରେ ଏସଜିପିସି ପକ୍ଷରୁ କରାଯାଇଛି ପ୍ରତିବାଦ। ଦେଶରେ ଜରୁରୀକାଳୀନ ପରିସ୍ଥିତି ଉପରେ ନିର୍ମାଣ ହୋଇଛି ଫିଲ୍ମ। ଏଥିରେ କଙ୍ଗନା ରାଣାୱତ୍ ଇନ୍ଦିରା ଗାନ୍ଧିଙ୍କ ଚରିତ୍ରରେ ଅଭିନୟ କରିଛନ୍ତି। ୧୯୭୫ରେ ଦେଶରେ ଲାଗୁ ହୋଇଥିବା ଜରୁରୀ ପରିସ୍ଥିତି ଉପରେ ନିର୍ମିତ ହୋଇଛି ଫିଲ୍ମ । କଙ୍ଗନାଙ୍କ ପ୍ରଡକ୍ସନ୍ ହାଉସ୍ ମଣିକର୍ଣ୍ଣିକା ଏହି ଫିଲ୍ମର ନିର୍ମାଣ କରିଛି। ଦେଶରେ ଏମରଜେନ୍ସି ଲାଗୁକୁ ଚଳିତବର୍ଷ ୫୦ ବର୍ଷ ପୁରୁଛି। କଙ୍ଗନାଙ୍କ ସହିତ ଫିଲ୍ମର ପ୍ରମୁଖ ଭୂମିକାରେ ଅନୁପମ୍ ଖେର ଅଛନ୍ତି। ସେପଟେ ଏହି ଫିଲ୍ମ ଭାରତୀୟ ରାଜନୀତିର ଅନେକ ଅକୁହା କଥାକୁ ସାମ୍ନାକୁ ଆଣିବ ବୋଲି ଚର୍ଚ୍ଚା ଜୋର ଧରିଛି। ପୂର୍ବରୁ ଦୁଇ ଦୁଇ ଥର ଫିଲ୍ମର ରିଲିଜ୍ ଡେଟ୍ ସ୍ଥଗିତ ରହିଥିଲା।