୪/୨ ଟାଇବ୍ରେକ୍ ରେ ସରଧାପୁର ବିଜୟୀ
ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ରଣପୁର ବ୍ଲକ ଗୋପାଳପୁର ସ୍ପୋର୍ଟସ ଆସୋସିଏସନ୍ ତରଫରୁ ୭ ମ ରାଜ୍ୟ ସ୍ତରୀୟ ଫୁଟବଲ ଖେଳ ଉଦଘାଟିତ ହୋଇଛି । ଆଜି ଅପରାହ୍ନ ରେ ବାଚସ୍ପତି ସୁରମା ପାଢୀ ମୂଖ୍ୟ ଅତିଥି ଭାବେ ଯୋଗ ଦେଇ ପ୍ରଭୁ ଜଗନ୍ନାଥ ଙ୍କ ପ୍ରତିମୂର୍ତ୍ତି ରେ ପ୍ରଦୀପ ପ୍ରଜ୍ବଳନ କରି ଖେଳ ଉଦଘାଟନ କରିଥିଲେ । ସମ୍ମାନୀତ ଅତିଥି ଭାବେ ଗୋପାଳପୁର ଜିଲ୍ଲା ପରିଷଦ ସଭ୍ୟ ଲକ୍ଷ୍ମୀପ୍ରିୟା ତରେଇ, ସରପଞ୍ଚ ସୁଜାତା ସେଠୀ ଯୋଗ ଦେଇଥିଲେ।
ବାଚସ୍ପତି ପାଢୀ ସମସ୍ତ ଖେଳାଳିଙ୍କ ସହ ପରିଚୟ ପରେ ନିଜେ ବଲ ମାରିଥିଲେ ।ଘରୋଇ ଗୋପାଳପୁର ସ୍ପୋର୍ଟସ ଆସୋସିଏସନ୍ ସହ ରାଜ୍ୟ ର ୭ ଗୋଟି ଦଳ ଭାଗ ନେଇଛନ୍ତି। ଫାଇନାଲ ଖେଳ ଜାନୁଆରୀ ୧୯ ତାରିଖ ରେ ଅନୁଷ୍ଠିତ ହେବ। ପ୍ରଥମ ଦିବସରେ ଖୋର୍ଦ୍ଧା ସରଧାପୁର ସହ କଟକ ଜିଲ୍ଲା ବାଙ୍କି ଆଥଲେଟିକ ଆସୋସିଏସନ୍ ମଧ୍ୟରେ ଅନୁଷ୍ଠିତ ହୋଇଥିଲା। ସରଧାପୁର ଦଳ ୪/୨ ଟାଇବ୍ରେକ୍ ରେ ବିଜୟୀ ।
ଚନ୍ଦ୍ରପୁଟ ଚିଲିକା, ଜଟଣୀ, ଶରଣକୁଳ,ପାଇକ ତିଗିରିଆ, ନୟାଗଡ଼ ସ୍ପୋର୍ଟସ ହଷ୍ଟେଲ ଓ ଘରୋଇ ଦଳ ମଧ୍ୟରେ ଚଳିତବର୍ଷ ଖେଳ ଅନୁଷ୍ଠିତ ହେବ।ବାଙ୍କୀ ଦଳ ର ଗୋଲ କିପର ଙ୍କୁ ମ୍ୟାନ ଅଫ୍ ଦି ମ୍ୟାଚ ପ୍ରଦାନ କରାଯାଇଥିଲା।ଉଦଘାଟନୀ ମ୍ୟାଚ୍ ପରିଚାଳନା କରିଥିଲେ ଏମ୍ ଏସ୍ ବେଗ୍,ବୈକୁଣ୍ଠ ମହାପାତ୍ର,ମୁନା ନାୟକ ଓ ଲକ୍ଷ୍ମୀଧର ଚୈ।ଧୁରୀ।ଆସୋସିଏସନ୍ ସଭାପତି ସରୋଜ କୁମାର ରଥ , ସମ୍ପାଦକ ମିଲନ ପ୍ରଧାନ ଓ ଅନ୍ୟ ସମସ୍ତ ସଭ୍ୟ ସହଯୋଗ କରିଥିଲେ।
