ନୟାଗଡ଼, (ବାଘୁଆବାର୍ତ୍ତା): ପୋଲିସ ମୁଖ୍ୟାଳୟ ପକ୍ଷରୁ ବଡ଼ ଧରଣ ବଦଳି ପକ୍ରିୟା ଆରମ୍ଭ ହୋଇଛି l ତେବେ ଆଜି ରାଜ୍ୟର ପୋଲିସ ପ୍ରଶାସନ ପକ୍ଷରୁ 208ଜଣ ଆଇଆଇସିଙ୍କ ସ୍ତରରେ ବଦଳି କରାଯାଇଛି l 208ଜଣ ଆଇଆଇସିଙ୍କ ମଧ୍ୟରୁ ଭିଜିଲାନ୍ସ, କମିଶନରେଟ, ରାଜ୍ୟ ମୁଖ୍ୟାଳୟ ଏବଂ ବିଭିନ୍ନ ଜିଲ୍ଲାକୁ ବଦଳି କରାଯାଥିବା ଜଣାପଡିଛି l ତେବେ ନୟାଗଡ଼ ଜିଲ୍ଲାରେ କାର୍ଯ୍ୟରତ ଥିବା 3ଜଣ ଆଇଆଇସିଙ୍କୁ ଅନ୍ୟତ୍ର ବଦଳି କରାଯାଇଥିବା ବେଳେ ଜଣେ ଆଇଆଇସିଙ୍କୁ ପୋଲିସ ଟ୍ରେନିଂ ସ୍କୁଲକୁ ବଦଳି କରାଯାଇଛି l ବଦଳି ହୋଇଥିବା ଆଇଆଇସି ହେଲେ ବର୍ତ୍ତମାନ ନୟାଗଡ଼ ପୋଲିସ ମୁଖ୍ୟାଳୟରେ କାର୍ଯ୍ୟରତ ଆଇଆଇସି ପୁଷ୍ପଲତା ବେହେରାଙ୍କୁ ସ୍ପେସିଆଲ ବ୍ରାଞ୍ଚ ଭୁବନେଶ୍ୱର ବଦଳି କରାଯାଇଥିବା ବେଳେ ରଣପୁର ଥାନାରେ କାର୍ଯ୍ୟରତ ଆଇଆଇସି ମୁକେଶ କୁମାର ବେହେରାଙ୍କୁ ଭିଜିଲାନ୍ସକୁ ବଦଳି କରାଯାଇଛି ସେହିପରି ଶରଣକୁଳ ଥାନାରେ କାର୍ଯ୍ୟରତ ଆଇଆଇସି ଜ୍ୟୋତି ପ୍ରକାଶ ସ୍ୱାଇଁଙ୍କୁ ମୟୁରଭଞ୍ଜ ଜିଲ୍ଲାକୁ ବଦଳି କରାଯାଇଛି l ହେଲେ ନୟାଗଡ଼ ପୋଲିସ ମୁଖ୍ୟାଳୟରେ କାର୍ଯ୍ୟରତ ଦୁଃଖିଶ୍ୟାମ ସେଠୀଙ୍କୁ ନୟାଗଡ଼ ପୋଲିସ ଟ୍ରେନିଂ ସ୍କୁଲ କୁ ବଦଳି କରାଯାଇଥିବା ସୂଚନା ମିଳିଛି l ତେବେ ତିନି ଜଣ ଆଇଆଇସିଙ୍କୁ ଅନ୍ୟତ୍ର ବଦଳି କରାଯାଥିବା ବେଳେ ତାଙ୍କ ସ୍ଥାନରେ କାହାକୁ ବି ନିଯୁକ୍ତ କରାଯାଇ ନଥିବା ବିଶେଷ ସୂତ୍ରରୁ ସୂଚନା ମିଳିଛି l
