ଆଠଗଡ଼, (ବାଘୁଆବାର୍ତ୍ତା): ଚୋରା ଗଞ୍ଜେଇ କାରବାରର ଖବର ପାଇ ଚଢାଉ ପାଇଁ ଭୁବନେଶ୍ୱରରୁ ଆସିଥିବା ସ୍ବତନ୍ତ୍ର ସ୍କ୍ୱାର୍ଡକୁ ଦୁର୍ବ୍ୟବହାର ଏବଂ ଆକ୍ରମଣ ଘଟଣା । ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ତିଗିରିଆ ଥାନା ପୋଲିସ । ଗିପଫ ହୋଇଥିବା ୩ ଜଣ ତିଗିରିଆ ଥାନା ଅନ୍ତର୍ଗତ ପଙ୍କାଳ ଗ୍ରାମର ସିଦ୍ଦିକ୍ ଅହମ୍ମଦ ଖାନ୍, ମହମ୍ମଦ ତୟବ ଏବଂ କନ୍ଧମାଳ ଅଞ୍ଚଳର ମହିଳା ତପସ୍ଵିନୀ ଦିଗଲକୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । କଟକ ଜିଲ୍ଲା ଆଠଗଡ଼ ଅଞ୍ଚଳରେ ଏଭଳି ଘଟଣା ଘଟିଛି । ସୂଚନା ମୁତାବକ, ଚଳିତ ମାସ ୧୮ ତାରିଖ ଅର୍ଥାତ ବୁଧବାରରେ ପୋଲିସର କ ସ୍ଵତନ୍ତ୍ର ଦଳ ଏହି ଥାନା ଅନ୍ତର୍ଗତ ନୂଆପାଟଣା ଡାକ ଘର ପଛପଟରେ ଥିବା ଏକ ଦୁଇ ମହଲା ଘରେ ଚଡାଉ କରିଥିଲେ । ଏହି ସମୟରେ ଉକ୍ତ ଘରେ ଥିବା ଗଞ୍ଜେଇ ଚାଲାଣକାରୀ ମାଫିଆ ମାନେ ପୋଲିସକୁ ଆକ୍ରମଣ କରିଥିଲେ । ଏହାରି ଭିତରେ ଆକ୍ରମଣାତ୍ମକ ଆଚରଣରେ ଉଭୟ ପୋଲିସ ଓ ଦଲାଲଙ୍କ ମଧ୍ୟରେ ଧସ୍ତାଧସ୍ତି ହୋଇଥିଲା । ଅନ୍ୟ ଅଭିଯୁକ୍ତ ଘଟଣା ସ୍ଥଳରୁ ଫେରାର ହୋଇଯାଇଥିବା ବେଳେ ପୋଲିସ ଦୁଇ ଜଣ ଯୁବକ ଏବଂ ଜଣେ ମହିଳାଙ୍କୁ ଗରଫ କରିଛି ପୋଲିସ । ପଙ୍କାଳ ଗ୍ରାମର ସିଦ୍ଦିକ୍ ଅହମ୍ମଦ ଖାନ୍, ମହମ୍ମଦ ତୟବ ଏବଂ କନ୍ଧମାଳ ଅଞ୍ଚଳର ମହିଳା ତପସ୍ଵିନୀ ଦିଗଲକୁ ଗିରଫ କରି କୋର୍ଟ ଚାଲାଣ କରିଛି । ତେବେ ଆଉ କେତେକ ମାଫିଆ ଘଟଣା ସ୍ଥଳରୁ ଫେରାର ହୋଇଯାଇଥିବାରୁ ସେଠାରୁ କୌଣସି ନିଶା ସାମଗ୍ରୀ ଜବତ ହୋଇନଥିବା ଜଣାପଡିଛି । ଚୋରା ନିଶା କାରବାରରେ ସମ୍ପୃକ୍ତ ଏବଂ ଚଢାଉ ବେଳେ ଫେରାର ହୋଇଥିବା ଦଲାଲଙ୍କୁ ଚିହ୍ନଟ କରାଯାଇ ଗିରଫ କରାଯିବା ସହିତ ଦୃଢ ପଦକ୍ଷେପ ଗ୍ରହଣ କରାଯିବ ବୋଲି ଆଠଗଡ଼ ଏସଡିପି ଓ ରବିନ୍ଦ୍ର କୁମାର ମଲ୍ଲିକ ସୂଚନା ଦେଇଛନ୍ତି ।
