ରାୟଗଡ଼ା,(ବାଘୁଆବାର୍ତ୍ତା): ଲାକରିସ ଗ୍ରାମରେ ଘଟିଛି ବଡ଼ ଅଘଟଣ । ପାଳଗଦାରେ ନିଆଁ ଲାଗିଯିବାରୁ ଦୁଇ ଶିଶୁ କନ୍ୟା ସେହି ନିଆଁରେ ଜୀବନ୍ତ ଦଗ୍ଧ ପାଲଟି ଯାଇଛନ୍ତି । ଯାହାକୁ ନେଇ ଗ୍ରାମରେ ଶୋକାକୁଳ ପରିସ୍ଥିତି ଦେଖାଦେଇଛି । ମିଳିଥିବା ସୂଚନାନୁସାରେ, ରାୟଗଡ଼ା ଜିଲ୍ଲା କାଶୀପୁର ବ୍ଲକ୍ ଅନ୍ତର୍ଗତ ଲାକରିସ୍ ଗ୍ରାମରେ ଆଜି ମଧ୍ୟାହ୍ନ ସମୟରେ ଘଟିଛି ବଡ଼ ଅଘଟଣ । ଲାକରିସ୍ ଗ୍ରାମର ଦୁର୍ଯ୍ୟୋଧନ ମାଝିଙ୍କ ଦୁଇ ଝିଅ, କୁମାରୀ ମାଝି(୫) ଓ ବିଦ୍ୟା ମାଝି(୩) ଉଭୟ ପରିବା ବିଲରେ ଥିବା ପାଳଗଦା ନିକଟରେ ବସିଥିଲେ । ଉକ୍ତ ସମୟରେ କୌଣସି କାରଣରୁ ପାଳଗଦାରେ ହଠାତ୍ ନିଅାଁ ଲାଗିଯାଇଥିଲା । ପାଳଗଦାରେ ଲାଗିଥିବା ନିଅାଁ ଏତେ ଭୟଙ୍କର ଥିଲା ଯେ, ଉକ୍ତ ପାଳଗଦା ନିକଟରେ ବସିଥିବା ଦୁଇ ଶିଶୁକନ୍ୟା ପୋଡି ହୋଇ ପ୍ରାଣ ହରାଇଥିଲେ । ଏହାର ଖବର ପାଇଁ କାଶୀପୁର ପୁଲିସ୍ ଘଟଣାସ୍ଥଳରେ ପହ ô ସ୍ଥିତି ଅନୁଧ୍ୟାନ କରି ତଦନ୍ତ ଆରମ୍ଭ କରିଥିବା ବେଳେ ଦୁଇ ଝିଅଙ୍କ ଜୀବନ୍ତ ଦଗ୍ଧ ହେବା ଗ୍ରାମବାସୀଙ୍କ ମନରେ ଗଭୀର ଆଘାତ ଦେଇଛି । ଯାହାକୁ ନେଇ ଗ୍ରାମରେ ଶୋକାକୁଳ ପରିସ୍ଥିତି ସୃଷ୍ଟି ହୋଇଥିବା ଜଣାପଡିଛି ।
