ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଖେଳପଡ଼ିଆଠାରେ ଅନୁଷ୍ଠିତ ନୟାଗଡ଼ କ୍ରିକେଟ୍ କପ୍ ମ୍ୟାଚ୍ ତୃତୀୟ ଦିବସରେ ମୁଖ୍ୟ ଅତିଥି ଭାବେ ସମାଜସେବୀ ରାଧେଶ୍ୟାମ ମହତ, ସମ୍ମାନିତ ଅତିଥି ଭାବେ ଦୁର୍ଯ୍ୟୋଧନ ବେହେରା ଏବଂ ନେତ୍ରନନ୍ଦ ସାହୁ ଯୋଗ ଦେଇଥିଲେ । ୮ ଗୋଟି ଦଳକୁ ନେଇ ଅନୁଷ୍ଠିତ ହେବାକୁ ଥିବା ଏହି କ୍ରିକେଟ୍ କପ୍ ତୃତୀୟ ଦିବସରେ ରଙ୍ଗଣୀପାଟଣା ବନାମ୍ ଇକିରି ମଧ୍ୟରେ ସଂଘର୍ଷ ପୂର୍ଣ୍ଣ ଖେଳ ହୋଇଥିଲା । ଏଥିରେ ରଙ୍ଗଣୀପାଟଣା ଦଳ ପ୍ରଥମେ ବ୍ୟାଟିଂ କରି ୨୦୪ ରନ୍ କରିଥିବା ବେଳେ ଇକିରି ଦଳ ୧୪୭ ରନରେ ଅଲଆଉଟ୍ ହୋଇଥିଲେ । କ୍ଲବର ସଭାପତି ସତ୍ୟବ୍ରତ ପଟ୍ଟନାୟକ ଏବଂ ସଂପାଦକ ଚିତ୍ତରଞ୍ଜନ ଜେନା ପ୍ରମୂଖ ଖେଳ ପରିଚାଳନା କରିଥିବା ବେଳେ ଅମ୍ପାୟାର ଭାବେ ମୁନା ଛୋଟରାୟ ମ୍ୟାଚ ପରିଚାଳନା କରିଥିଲେ ।
