ଗଜପତି, (ବାଘୁଆବାର୍ତ୍ତା): ଗଜପତି ପାରଳାଖେମୁଣ୍ଡି ଜଙ୍ଗମ ସାହିରେ ହତ୍ୟାକାଣ୍ଡ। ସ୍ବାମୀକୁ ପତ୍ନୀ ହତ୍ୟା କରିଥିବା ଅଭିଯୋଗ ହୋଇଛି । ସୂଚନା ମୁତାବକ, ଏହି ଗାଁର ଡିଲେଶ୍ବରଙ୍କ ପୁଅ ବିଜୟ କୁମାରଙ୍କ ମୃତ୍ୟୁ ହୋଇଥିଲା। ଶବକୁ ପୋଡିବା ସମୟରେ ଘରଲୋକ ବିଜୟଙ୍କ ଦେହରେ ବିଭିନ୍ନ ସ୍ଥାନରେ କ୍ଷତ ଚିହ୍ନ ଥିବା ଦେଖିବାକୁ ପାଇଥିଲେ । ଏନେଇ ପୋଲିସକୁ ଖବର ଦେଇଥିଲେ। ଘଟଣାସ୍ଥଳରେ ପୋଲିସ ଏବଂ ସାଇଣ୍ଟିଫିକ ଟିମ୍ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି । ଗତକାଲି ରାତିରେ ବିଜୟ କୁମାର ଏବଂ ତାଙ୍କ ପତ୍ନୀଙ୍କ ମଧ୍ୟରେ ଝଗଡା ହୋଇଥିଲା । ଏହାପରେ ସ୍ତ୍ରୀ ଧାରୁଆ ଅସ୍ତ୍ରରେ ସ୍ବାମୀକୁ ଆକ୍ରମଣ କରି ତଣ୍ଟି ଚିପି ମାରିଦେଇଥିବା ପ୍ରାଥମିକ ତଦନ୍ତରୁ ଜଣାପଡିଛି । ଏହି ଘଟଣାରେ ପତ୍ନୀ ସାରଦାକୁ ପୋଲିସ ଅଟକ ରଖି ପଚରାଉଚରା କରୁଛି । ପରବର୍ତ୍ତୀ ସମୟରେ ଶବ ବ୍ୟବଚ୍ଛେଦ ପରେ ହତ୍ୟାର ଅନେକ ତଥ୍ୟ ସାମ୍ନାକୁ ଆସିବ ବୋଲି ପାରଳାଖେମୁଣ୍ଡି ଥାନା ଅଧିକାରୀ କହିଛନ୍ତି ।
