ଭୁବନେଶ୍ୱର,(ବାଘୁଆବା ର୍ା): ଏଥର ଛାତ୍ରଛାତ୍ରୀଙ୍କୁ ମିଳିବ ହାପିନେସ୍ କିଟ୍ । ଏନେଇ ଘୋଷଣା କରିଛନ୍ତି ଗଣଶିକ୍ଷା ମନ୍ତ୍ରୀ ସମୀର ରଂଜନ ଦାଶ । କୋମଳମତି ପିଲାଙ୍କୁ ମିଳିବ ପୃଷ୍ଟିକର ଖାଦ୍ୟ । ମିଳିଥିବା ସୂଚନାନୁସାରେ, ମହାମାରୀ କରୋନା ସମୟରେ ସମସ୍ତ ଶିକ୍ଷାନୁଷ୍ଠାନ ବନ୍ଦ ରହିବା ସହିତ ଛାତ୍ରଛାତ୍ରୀମାନଙ୍କୁ ଦିଆଯାଉଥିବା ମଧ୍ୟାହ୍ନ ଭୋଜ ଦିଆଯାଉ ନଥିବା ବେଳେ ମଧ୍ୟାହ୍ଣ ଭୋଜନ ବାବଦକୁ ଆସୁଥିବା ଅର୍ଥ ଛାତ୍ରଛାତ୍ରୀଙ୍କ ଅଭିଭାବକ ଆକାଉ କୁ ଦିଆଯାଉଛି । ପ୍ରଥମ ଶ୍ରେଣୀରୁ ଅଷ୍ଟମ ଶ୍ରେଣୀ ଯାଏଁ ବିଦ୍ୟାଳୟ ଖୋଲିବା ପୂର୍ବରୁ ଛାତ୍ରଛାତ୍ରୀମାନଙ୍କ ରୋଗ ପ୍ରତିରୋଧକ ଶକ୍ତି ବଢାଇବା ପାଇଁ ଗଣଶିକ୍ଷା ବିଭାଗ ଏଭଳି ନିଷ୍ପ ି ନେଇଛନ୍ତି । ଛାତ୍ରଛାତ୍ରୀଙ୍କୁ ହାପିନେସ୍ କିଟ୍ ଦିଆଯିବ । ଯେଉଁଥିରେ କି, ଅଟା, ଚଣା, ହଳଦୀଗୁଣ୍ଡ, ଚିନାବାଦାମ, ଗୁଡ଼ ଓ ଡାଳଚିନି ରହିବ । ଏବଂ ତା’ ସହିତ ପେନ୍, ପେନ୍ସିଲ୍, ନୋଟ୍ ପ୍ୟାଡ୍, ସାନିଟାରୀ ନାପକିନ୍, ଟୁଥ୍ ପେଷ୍ଟ, ଆୟୋଡିନ ଲୁଣ ଓ ସାବୁନ ବି ରହିବ । ପ୍ରଥମ ପର୍ଯ୍ୟାୟରେ ଅକ୍ଷୟପାତ୍ର ଫାଉଣ୍ଡେସନ୍ ଜରିଆରେ ରାଜ୍ୟର ନୟାଗଡ଼ ଜିଲ୍ଲା, ପୁରୀ, କଟକ, ଖୋର୍ଦ୍ଧା ଓ ସୁନ୍ଦରଗଡ଼ର ୧୯୧୬ଟି ବିଦ୍ୟାଳୟର ୧ଲକ୍ଷ ୮୩ହଜାର ଛାତ୍ରଛାତ୍ରୀଙ୍କୁ ହାପି ନେସ୍ କିଟ୍ ଦିଆଯିବ । ଦ୍ୱିତୀୟ ପର୍ଯ୍ୟାୟରେ ଅନ୍ୟ ସବୁ ଜିଲ୍ଲାରେ ମଧ୍ୟାହ୍ନ ଭୋଜନ ଯୋଗାଣକାରୀ ସଂସ୍ଥା ମାଧ୍ୟମରେ ହାପିନେସ୍ କିଟ୍ ଯୋଗାଇ ଦିଆଯିବ ବୋଲି ଲକ୍ଷ୍ୟ ରଖାଯାଇଥିବା କହିଛନ୍ତି ଗଣଶିକ୍ଷା ମନ୍ତ୍ରୀ । ଏହି ହାପିନେସ୍ କିଟ୍ ଫେବୃୟାରୀ ପ୍ରଥମ ସପ୍ତାହରେ ବ ନ କରାଯିବ ।
