ବାଇକ-ଟାଟାଏସି ମୁଁହାମୁଁହି ଧକ୍କା:ଜଣେ ମୃତ 

ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଝୁମ୍ପୁରୀ ନିକଟରେ ବାଇକ-ଟାଟାଏସି ମୁଁହାମୁଁହି ଦୁର୍ଘଟଣା ଘଟିଛି l ଦୁର୍ଘଟଣାରେ ବାଇକ ଚାଳକ ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ଆହାତ ହୋଇଥିବା ଜଣାପଡିଛି l ମୃତ ବ୍ୟକ୍ତି ଜଣଙ୍କ ହରିହରପୁର ଗାଁର ବୋଲି ଜଣାପଡିଛି l ସୂଚନାନୁସାରେ, ନୟାଗଡ଼ ଟାଉନ ଥାନା ଅନ୍ତର୍ଗତ ଝୁମ୍ପୁରୀ 57ନଂ ଜାତୀୟ ରାଜପଥ ଦେଇ ଯାଉଥିବା ଟାଟାଏସି ଗାଡ଼ି ନମ୍ବର (OD 02T 5082) ଦଶପଲ୍ଲା ଅଭିମୁଖେ ଯାଉଥିବା ବେଳେ ବିପରିତ ଦିଗରୁ ହୋଣ୍ଡା ସାଇନ ଗାଡ଼ି ନମ୍ବର (OD 25F 3423) ବାଇକ ଝୁମ୍ପୁରୀ ନିକଟରେ ଥିବା ପେଟ୍ରୋଲ ପମ୍ପ ସମ୍ମୁଖରେ ଧକ୍କା ଦେଇଥିଲା l ଘଟଣାସ୍ଥଳରେ ବାଇକ ଚାଳକର ମୃତ୍ୟୁ ହୋଇଥିବା ବେଳେ ବାଇକ ପଛରେ ବସିଥିବା ବ୍ୟକ୍ତି ଗୁରୁତର ଆହାତ ହୋଇଥିବା ଜଣାପଡିଛି l ଟାଉନ ପୋଲିସ ଘଟଣାସ୍ଥଳରେ ପହଞ୍ଚି 108ଆମ୍ବୁଲାନ୍ସ ମାଧ୍ୟମରେ ମୃତ ବ୍ୟକ୍ତିଙ୍କ ମର ଶରୀର ଓ ଗୁରୁତର ଆହାତ ବ୍ୟକ୍ତିଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିବା ବେଳେ ମୃତକଙ୍କ ପରିଚୟ ମିଳିପାରିନାହିଁ l ତେବେ ଗୁରୁତର ଆହାତ ଥିବା ବ୍ୟକ୍ତି ଜଣଙ୍କ ଶରଣକୁଳ ଥାନା ହରିହରପୁର ଗାଁର ବୋଲି ବିଶେଷ ସୂତ୍ରରୁ ଜଣାପଡିଛି l ଟାଉନ ପୋଲିସ ଟାଟାଏସି ଗାଡ଼ି ଜବତ କରି ତଦନ୍ତ ଚଳାଇଥିବା ବେଳେ ଟାଟାଏସି ଚାଳକ ଫେରାର ହୋଇଥିବା ସୂଚନା ମିଳିଛି l