ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ସହର ଓ ଲେଙ୍କୁଡ଼ିପଡା ଗ୍ରାମର ଦୁଇ ଅଭିଯୋଗକାରୀଙ୍କୁ ଧନତେରସ ଦିବସରେ ମିଳିଛି ବଡ଼ ଉପହାର l ପୁଣି ପୋଲିସ ପକ୍ଷରୁ ମିଳିଛି ଏହି ଉପହାର l ଉପହାର ସ୍ୱରୂପ ସୁନା ଅଳଙ୍କାର ନୟାଗଡ଼ ଟାଉନ ଥାନା ଆଇଆଇସି ରଶ୍ମିରଞ୍ଜନ ମହାପାତ୍ରଙ୍କ ଉପସ୍ଥିତିରେ ଏସଡ଼ିପିଓ ସୁଦର୍ଶନ ଗାଙ୍ଗୋଇ ଅଭିଯୋଗକାରୀଙ୍କୁ ପ୍ରଦାନ କରିଛନ୍ତି l ଉପହାର ସ୍ୱରୂପ ଚୋରି ହୋଇଥିବା ସୁନା ଅଳଙ୍କାର ପାଇବା ପରେ ଉତ୍ସାହିତ ହୋଇଛନ୍ତି ଦୁଇ ଅଭିଯୋଗକାରୀ l ସୂଚନାନୁସାରେ, ନୟାଗଡ଼ ଟାଉନ ଥାନା ଅନ୍ତର୍ଗତ ଦେବୋତ୍ତର ଲେନ-4 ରେ ଦିନ ଦ୍ୱିପ୍ରହରେ କିଛି ଦିନ ତଳେ ଦୃବୁତମାନେ ଲୁଗା ବ୍ୟବସାୟୀ ଶିବପ୍ରସାଦ ସାହୁଙ୍କ ଘରେ କଳାକନା ବୁଲାଇ ଲୁଟିନେଇଥିଲେ ଲକ୍ଷାଧିକ ଟଙ୍କାର ସୁନା ଅଳଙ୍କାର l ସେ ନେଇ ଶ୍ରୀ ସାହୁ ଥାନାରେ ଅଭିଯୋଗ କରିଥିଲେ l ପୋଲିସ ତତକ୍ଷଣାତ ପହଞ୍ଚି ତଦନ୍ତ ଆରମ୍ଭ କରି କିଛି ଦିନ ପରେ ଚୋରଙ୍କୁ କାବୁ କରିଥିଲା ଏବଂ ଅଳଙ୍କାର ଜବତ କରିଥିଲା l ସେହିପରି ଲେଙ୍କୁଡ଼ିପଡ଼ା ଗ୍ରାମର ରଶ୍ମିଲତା ରଥ ରେଲୱେ ଓଭରବ୍ରିଜ ଦେଇ ଗାଁକୁ ଆସୁଥିବା ବେଳେ ତାଙ୍କ ବେକରୁ ସୁନା ଚେନ ଝାମ୍ପି ନେଇଥିଲେ ଦୃବୁତ l ପୋଲିସ ଚୋରମାନଙ୍କୁ ଧରି ସେମାନଙ୍କ ଠାରୁ ଜବତ ହୋଇଥିବା ସୁନା ଅଳଙ୍କାରଙ୍କୁ ଦୀପାବଳିର ଧନତେରସ ଉପଲକ୍ଷେ ସେମାନଙ୍କୁ ସେମାନଙ୍କ ଚୋରି ହୋଇଯାଇଥିବା ସୁନା ଅଳଙ୍କାର ପ୍ରଦାନ କରାଯାଇଛି l ଏହି ପବିତ୍ର ଦିନରେ ପାଇବା ପରେ ଅଭିଯୋଗକାରୀମାନେ ଖୁସି ବ୍ୟକ୍ତ କରିବା ସହ ନୟାଗଡ଼ ପୋଲିସ ଓ ଟାଉନ ଥାନା ଆଇଆଇସିଙ୍କୁ ପ୍ରଶଂସା କରିଛନ୍ତି l
