ଭୁବନେଶ୍ୱର, (ବାଘୁଆବାର୍ତ୍ତା): ସୀମା ଲଘିଂଛି ଭାରତୀୟ ଜନତା ପାର୍ଟି । ନୟାଗଡ଼ ଯଦୁପୁର ଗାଁରେ ଭାରତୀୟ ଜନତା ପାର୍ଟିର କର୍ମୀମାନେ ଗଣମାଧ୍ୟମ ଉପରକୁ ଆକ୍ରମଣ କରିଥିବା ବେଳେ ଦୁଇ ଜଣଙ୍କୁ ପୁଲିସ୍ ଗିରଫ୍ କରିଥିଲା । ତାହା ଲୋକଙ୍କ ମନର ନଲିଭୁଣୁ, ଗତକାଲି ପିସିସି ସଭାପତି ନିରଂଜନ ପଟ୍ଟନାୟକଙ୍କ ଗାଡ଼ିକୁ ଆକ୍ରମଣ କରିବା ସହିତ ଅଶ୍ଳୀଳ ଭାଷାରେ ଗାଳିଗୁଲଜ କରିଥିଲେ । ଶ୍ରୀ ପଟ୍ଟନାୟକ ପିଏସ୍ଓକୁ ମାଡ଼ ମାରିଥିଲେ । ଆଜି ପୁଲିସ ତଦନ୍ତ ବେଳେ କେନ୍ଦୁଝର ଜିଲ୍ଲା ବିଜେପି ଯୁବ ମୋର୍ଚ୍ଚାର କର୍ମୀମାନେ ଆକ୍ରମଣ କରିଥିବା ଜଣାପଡିଛି । ଅଭିଯୋଗକୁ ଭିତ୍ତି କରି କେନ୍ଦୁଝର ଏସ୍ପି ଏହାର ତଦନ୍ତ କରି ସେ ବିଜେପି ଯୁବ ମୋର୍ଚ୍ଚାର ସଂପାଦକ ସଂଜୟ ମହାନ୍ତିଙ୍କ ସମେତ ୫ ଜଣଙ୍କ ନାମରେ ଏତଲା ଦିଆଯାଇଛି । ଯାହାକୁ ନେଇ ରାଜ୍ୟ ରାଜନୀତି ସରଗରମ୍ ହୋଇଥିବା ଜଣାପଡିଛି । ବିଜେପି ହୀନ ରାଜନୀତି କରୁଛି ବୋଲି ବିଭିନ୍ନ ମହଲରେ ଆଲୋଚନା ହେଉଛି ।
