ନୂଆଦିଲ୍ଲୀ,(ବାଘୁଆବାର୍ତ୍ତା): ବହୁଳ ଜନସଂଖ୍ୟାର ଦେଶ ଚୀନ୍ରେ ବିଚିତ୍ର ଘଟଣାର ମାନ ଦେଖିବାକୁ ମିଳେ । ଚୋରା, ନକଲି ଜିନିଷର ଗନ୍ତାଘର ଭାବେ ଜଣାଯାଉଥିବା ଚୀନ୍ର କେତେକ କୋଣ ଅନୁକୋଣର ଆପାର୍ଟମେଣ୍ଟ ଭିତର ଦେଇ ଗମନାଗମନ କରୁଛି ରେଳ । ଦକ୍ଷିଣ-ପୂର୍ବ ଚୀନ୍ର ଚୋଙ୍ଗ୍କିଙ୍ଗ୍ରେ ୧୯ମହଲାର ଆପାର୍ଟମେଣ୍ଟ ଭିତର ଦେଇ ରେଳ ରାସ୍ତା ରହିଛି, ସ୍ଥାନ ଅଭାବ କାରଣରୁ ଚୀନ୍ ପ୍ରଶାସନ ଏଭଳି ପଦକ୍ଷେପ ୨୦୧୬ରେ ନେଇଥିବା ଜଣାପଡ଼ିଛି । ପ୍ରଥମେ ସେଠାରେ ଥିବା ଆପାର୍ଟମେଣ୍ଟ ଗୁଡ଼ିକୁ ଭାଙ୍ଗିବାକୁ ନିଷ୍ପତ୍ତି ନିଆଯାଇଥିଲା, କିନ୍ତୁ ଲୋକଙ୍କୁ ବାସହୀନ କରିବାର ପାଇଁ ସ୍ଥାନୀୟ ମେୟର ରାଜି ହୋଇନଥିଲେ । ସ୍ଥାନୀୟ ମେୟର, ପ୍ରଶାସନକୁ ଅନୁରୋଧ କରି ଆପାର୍ଟମେଣ୍ଟ ଭିତର ଦେଇ ରେଳ ଚଲାଚଳର ପ୍ରସ୍ତାବ ଦେଇଥିଲେ, ଯାହା ପରେ ଏହାକୁ ପ୍ରଶାସନ ଗ୍ରହଣ କରିଥିଲେ । ୨୦୧୭ରୁ ସେହି ଆପାର୍ଟମେ ଭିତରେ ରେଳ ଗମନାଗମନ କରିବା ଫଳରେ ଲୋକଙ୍କ ରହଣି ଶୈଳିରେ ଯେପରି ବିଘ୍ନ ନଆସେ, ସେଥିପାଇଁ ରେଳ କ ୃର୍ପକ୍ଷ ମଧ୍ୟ ସଚେତନ ହୋଇଛନ୍ତି । ଉକ୍ତ ଆପାର୍ଟମେଣ୍ଟ ଭିତରେ ରେଳ ପ୍ରବେଶ କରିବା ମାତ୍ରେ ଏହାର ସମସ୍ତ କାଚ, ଝରକା, କବାଟର ରଙ୍ଗ କଳା ହୋଇଯାଏ । ଯାହାଫଳରେ ରେଳଯାତ୍ରୀମାନେ ଆପାର୍ଟମେଣ୍ଟ ଭିତରେ ଚଳପ୍ରଚଳ କରୁଥିବା ଲୋକଙ୍କୁ ଯେପରି ନଦେଖିବେ, ସେଥିପାଇଁ ରେଳରେ ଏଭଳି ସେନ୍ସର ଲଗାଯାଇଛି । ଚୀନ୍ର ତତ୍କାଳୀନ ରେଳ ଅଧିକାରୀ ଟିଂ ଜୋଇନୁଙ୍କ ମତରେ ଚୀନ୍ରେ ସ୍ଥାନ ଅଭାବ କାରଣରୁ ସେମାନେ ଆପାର୍ଟମେଣ୍ଟ ଭିତରେ ଦେଇ ରାସ୍ତା ତିଆରି କରିବାକୁ ବାଧ୍ୟ ହୋଇଥିଲେ । ଏସବୁ ଭିତରେ ଆପାର୍ଟମେ ରେ ରହୁଥିବା ବାସିନ୍ଦାଙ୍କ ଦୃଷ୍ଟିରେ ରଖି ଯେପରି ବ୍ୟକ୍ତିଗତ ଜୀବନଶୈଳୀ ପ୍ରଭାବିତ ନହେଉ, ସେଥିପ୍ରତି ମଧ୍ୟ ଧ୍ୟାନ ଦିଆଯାଇଛି ।
