Thursday, November 19, 2026
ବାଘୁଆବାର୍ତ୍ତା
  • ରାଜ୍ୟ
  • ନୟାଗଡ
  • ଜାତୀୟ
  • ରାଜନୀତି
  • ଯୋଜନା ଓ ବିକାଶ
  • ଶିକ୍ଷା
  • ବାଣିଜ୍ୟ
  • କ୍ରୀଡ଼ା
  • ଅପରାଧ
  • ମନୋରଂଜନ
  • ଭିଡିଓ
 
WhatsApp chat
  • ରାଜ୍ୟ
  • ନୟାଗଡ
  • ଜାତୀୟ
  • ରାଜନୀତି
  • ଯୋଜନା ଓ ବିକାଶ
  • ଶିକ୍ଷା
  • ବାଣିଜ୍ୟ
  • କ୍ରୀଡ଼ା
  • ଅପରାଧ
  • ମନୋରଂଜନ
  • ଭିଡିଓ
No Result
View All Result
ବାଘୁଆବାର୍ତ୍ତା

ବାତ୍ୟା ଡର, ପରିବା ଓ ଅତ୍ୟାବଶ୍ୟକ ଜିନିଷ ଦର ବଢ଼ାଇଲେ

by ସଞ୍ଜୟ ସ୍ୱାଇଁ
October 21, 2024
in Feature News
ବାତ୍ୟା ଡର,  ପରିବା ଓ ଅତ୍ୟାବଶ୍ୟକ ଜିନିଷ ଦର ବଢ଼ାଇଲେ
111
VIEWS
Share on FacebookShare on Twitter

ଭୁବନେଶ୍ୱର, (ବାଘୁଆବାର୍ତ୍ତା): ବାତ୍ୟା ଆସିବ କି ନାହିଁ ଏଯାଏ ସ୍ପଷ୍ଟ ହୋଇନି । କିନ୍ତୁ ବାତ୍ୟା ନାଁରେ ବଜାରରେ ବିଭିନ୍ନ ନିତ୍ୟ ବ୍ୟବହାର୍ଯ୍ୟ ସାମଗ୍ରୀ ଓ ପରିବା ଦର ବଢ଼ାଇଲେଣି ଅସାଧୁବ୍ୟବସାୟୀ । ଯାହା ବି ଖାଇବା ସାମଗ୍ରୀ ଅଛି, ସେସବୁରେ ୨୫ ପ୍ରତିଶତ ମୂଲ୍ୟ ବଢ଼ାଇ ସାରିଲେଣି । ରବିବାର ଭୁବନେଶ୍ୱରର ଡୁମୁଡୁମା, ପାତ୍ରପଡ଼ା ଭଳି କେତେକ ସ୍ଥାନରେ ଥିବା ଖୁଚୁରା ବ୍ୟବସାୟୀମାନେ ଆଳୁ କିଲୋ ପ୍ରତି ୪୦ଟଙ୍କାରେ ବିକ୍ରି କରୁଥିବା ଅଭିଯୋଗ ହୋଇଛି । ପିଆଜ ଦର ୬୦ ଟଙ୍କା ଥିବାବେଳେ ତାହା ୬୫ରୁ ୭୦କୁ ବଢ଼ାଇ ଦେଇଛନ୍ତି । ଏ ବାବଦରେ ପଚାରିଲେ ବେପାରୀଙ୍କ ଅଜବ ଉତ୍ତର । ‘ବାତ୍ୟା ଆସୁଛି, ଆଳୁ ଗାଡ଼ି ଆସିନପାରେ । ଯେତିକି ଅଛି ସେତିକିରେ ବେପାର କରୁଛୁ ।’ ହଠାତ୍‌ ବେପାରୀମାନେ ମନଇଚ୍ଛା ଏମିତି ଦର ବଢ଼ାଇବାକୁ ନେଇ ଗ୍ରାହକଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି । ସବୁଦିନ ଭଳି ଶନିବାର ଭୁବନେଶ୍ୱର କୁବେରପୁରୀ ମଣ୍ଡିକୁ ଆଳୁ, ପିଆଜ ଗାଡ଼ି ଆସିଥିବା ଜଣାପଡ଼ିଛି । ଏହାସତ୍ତେ୍ୱ ବାତ୍ୟା ଆଳରେ କଳାବଜାରୀ କରୁଛନ୍ତି ଅସାଧୁ ବ୍ୟବସାୟୀ । ତେଣୁ ରାଜ୍ୟ ସରକାର ଏଦିଗରେ କଠୋର ପଦକ୍ଷେପ ଗ୍ରହଣ କରିବାକୁ ଦାବି ହୋଇଛି । କେବଳ ସେତିକି ନୁହେଁ, ବାତ୍ୟା ଆସିବା ଭୟରେ ଆଜି ରାଜଧାନୀର ୧ ନମ୍ବର ହାଟରୁ ନେଇ ବିଭିନ୍ନ ସ୍ଥାନରେ ଥିବା ବଜାରରେ ପରିବା ଓ ଅନ୍ୟ ନିତ୍ୟ ବ୍ୟବହାର୍ଯ୍ୟ ସାମଗ୍ରୀ କିଣିବାକୁ ପ୍ରବଳ ଭିଡ଼ ଲାଗିଛି । ଚଳିତ ବର୍ଷ ରାଜ୍ୟବାସୀଙ୍କୁ ଅଧିକ କଷ୍ଟ ଦେଇଛି ଆଳୁ ଓ ପିଆଜ । ଏହି ଦୁଇ ନିତିଦିନିଆ ଜରୁରି ସାମଗ୍ରୀର ଦର ଗତ ୬ମାସ ହେବ ନିୟନ୍ତ୍ରଣ ବାହାରେ । ପଶ୍ଚିମବଙ୍ଗ ସରକାର ଆଳୁ ଗାଡ଼ି ଅଟକାଇବା ପରେ ଆଳୁ ଦର ପ୍ରଥମେ ୫୦ ଓ ପରେ ୭୦ଟଙ୍କା ପର୍ଯ୍ୟନ୍ତ ଛୁଇଁଥିଲା। ଖାଉଟିଙ୍କ ଅସନ୍ତୋଷ ଓ ବିରୋଧ ପରେ ରାଜ୍ୟ ସରକାର ଉତ୍ତରପ୍ରଦେଶରୁ ଆଳୁ ଆଣିଲେ । ନାଫେଡ୍‌ ଜରିଆରେ ଆଳୁ ବଣ୍ଟନ ହୋଇଥିଲା । ଏହାପରଠୁ ଗତ ୩ମାସ ହେବ ଆଳୁ କିଲୋ ୩୦ରୁ ୩୫ ଟଙ୍କା ମଧ୍ୟରେ ସୀମିତ ରହିଛି । ତଥାପି ଏଭଳି ଦର ଖାଉଟିଙ୍କୁ ସୁହାଉନି । ସେହିପରି ପିଆଜ ଦର ମଧ୍ୟ ୬୦ଟଙ୍କାରେ ଅଟକିଛି । ଯନ୍ତ୍ରଣା ଏତିକିରେ ସରିନି । ଗତ ମାସେ ହେବ ପରିବା ଦର ଅନିୟନ୍ତ୍ରିତ ରହିଛି । ସ୍ଥାନୀୟ ଅଞ୍ଚଳରେ ପରିବା ଉତ୍ପାଦନ ହେଉନଥିବାରୁ ରାଜ୍ୟ ବାହାରୁ ପରିବା ଆସୁଥିବା ଦର୍ଶାଇ ଦର ବଢ଼ାଉଛନ୍ତି ବ୍ୟବସାୟୀ । କାର୍ତ୍ତିକ ମାସ ହେତୁ ସବୁ ପରିବା ଦର ପ୍ରାୟ ୬୦ ଉପରେ । ତା ସାଙ୍ଗକୁ ସମ୍ଭାବ୍ୟ ବାତ୍ୟା ନାଁରେ ଦୋକାନୀଙ୍କ କଳାବଜାରୀ ଗ୍ରାହକଙ୍କ କଟା ଘାରେ ଚୂନ ଲଗାଇବା ଭଳି ହୋଇଛି । ଯଦି ପରିବା ଦର ଆହୁରି ବଢ଼େ ସ୍ଥିତି ଶୋଚନୀୟ ହୋଇପଡ଼ିବ । ବ୍ୟବସାୟୀ ମହାସଂଘଙ୍କ କହିବା କଥା, ସବୁ କିଛି ଠିକ୍‌ଠାକ୍‌ ଚାଲିଛି । ଦର ବଢ଼ିବାର କୌଣସି କାରଣ ନାହିଁ । ହେଲେ କେତେକ ଅସାଧୁ ବ୍ୟବସାୟୀଙ୍କ ଯୋଗୁ ସମସ୍ତଙ୍କୁ କ୍ଷତି ସହିବାକୁ ନପଡ଼ୁ ବୋଲି ଅନ୍ୟ ବ୍ୟବସାୟୀମାନେ କହିଛନ୍ତି । ଏ ସଂକ୍ରାନ୍ତରେ କୁବେରପୁରୀ ବ୍ୟବସାୟୀ ସଂଘର ସଭାପତି ଶକ୍ତିଶଙ୍କର ମିଶ୍ର କହିଛନ୍ତି, କଳାବଜାରୀ ହେବା କଥା ସମ୍ପୂର୍ଣ୍ଣ ମିଛ । ଯଦି ବି ଏଭଳି ହେଉଥାଏ ତେବେ ତାହା ଭୁଲ । ଭୁବନେଶ୍ୱରକୁ ଦୈନିକ ୪ଶହ ଟନ୍‌ ଆଳୁ ଦରକାର । ସେଥିପାଇଁ ପଶ୍ଚିମବଙ୍ଗ ସହ ଉତ୍ତରପ୍ରଦେଶରୁ ୧୨ଗାଡ଼ି ଆଳୁ ଆସୁଛି । ଏବେ ଆମ ପାଖରେ ପର୍ଯ୍ୟାପ୍ତ ଆଳୁ ଅଛି । ସେହିପରି ଆନ୍ଧ୍ରପ୍ରଦେଶରୁ ପିଆଜ ଆସୁଛି । ତେଣୁ କଳାବଜାରୀର ପ୍ରଶ୍ନ ଉଠୁନି । ଯିଏ ବି ଅଧିକ ଦର ନେଉଛନ୍ତି, ଏଥିରୁ କ୍ଷାନ୍ତ ରହନ୍ତୁ ବୋଲି ସେ କହିଛନ୍ତି ।

ଏମ୍‌ଏମ୍‌ଡିଆର୍ ପ୍ରସଙ୍ଗ ; ରାଜ୍ୟ ସ୍ୱାର୍ଥ ଅପେକ୍ଷା ବିଜେପି ସ୍ୱାର୍ଥକୁ ସୁରକ୍ଷା

ଏମ୍‌ଏମ୍‌ଡିଆର୍ ପ୍ରସଙ୍ଗ ; ରାଜ୍ୟ ସ୍ୱାର୍ଥ ଅପେକ୍ଷା ବିଜେପି ସ୍ୱାର୍ଥକୁ ସୁରକ୍ଷା

August 30, 2026
ଛାତ୍ର ସଂଗଠନକୁ ଗୁରୁମନ୍ତ୍ର ଦେଲେ ଅରୁଣ

ଛାତ୍ର ସଂଗଠନକୁ ଗୁରୁମନ୍ତ୍ର ଦେଲେ ଅରୁଣ

August 30, 2026
ଜିଲ୍ଲାସ୍ତରୀୟ ୧୨ତମ ଆନ୍ତର୍ଜାତୀୟ ଯୋଗ ଦିବସ ପାଳିତ

ଜିଲ୍ଲାସ୍ତରୀୟ ୧୨ତମ ଆନ୍ତର୍ଜାତୀୟ ଯୋଗ ଦିବସ ପାଳିତ

June 22, 2026
ବିଶ୍ୱ ଶିଶୁ ଶ୍ରମ ନିଷେଧ ଦିବସ

ବିଶ୍ୱ ଶିଶୁ ଶ୍ରମ ନିଷେଧ ଦିବସ

June 12, 2026
ନୟାଗଡ଼ ରୋଟାରୀ କ୍ଲବ ପରିଦର୍ଶନ କଲେ ଜିଲ୍ଲା ଗଭର୍ଣ୍ଣର

ନୟାଗଡ଼ ରୋଟାରୀ କ୍ଲବ ପରିଦର୍ଶନ କଲେ ଜିଲ୍ଲା ଗଭର୍ଣ୍ଣର

June 7, 2026

© 2025 Baghuabarta. Designed & Developed by WebHunk International

No Result
View All Result
  • ରାଜ୍ୟ
  • ନୟାଗଡ
  • ଜାତୀୟ
  • ରାଜନୀତି
  • ଯୋଜନା ଓ ବିକାଶ
  • ଶିକ୍ଷା
  • ବାଣିଜ୍ୟ
  • କ୍ରୀଡ଼ା
  • ଅପରାଧ
  • ମନୋରଂଜନ
  • ଭିଡିଓ
WhatsApp chat
error: Content is protected !!