ବେଆଇନ ମାଙ୍କଡା ପଥର ଖନନ ଉପରେ ଚଢ଼ାଉ କଲା ଟାଙ୍ଗୀ ପୋଲିସ

ଟାଙ୍ଗୀ, (ବାଘୁଆବାର୍ତ୍ତା): ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ଅନ୍ତର୍ଗତ ସ୍ୱରଣ ଗ୍ରାମର ଚିଲିକା ଉପକୂଳରେ ଚାଲିଥିଲା ବେଆଇନ ମାଙ୍କଡା ପଥର ଖନନ l ରାତି ରାତି ବିଭିର୍ଣ୍ଣ ସ୍ଥାନକୁ ହେଉଥିଲା ଚୋରା ଚାଲାଣ l ଦୀର୍ଘଦିନ ହେବ ଏ ବାବଦରେ ଟାଙ୍ଗୀ ପୋଲିସ ପାଖରେ ଥିଲା ଖବର, ଚୋରା ପଥର ମାଫିଆଙ୍କ ଗତି ଵିଧି ଉପରେ ପୋଲିସ ରଖିଥିଲା ତୀକ୍ଷ୍ଣ ନଜର l କିନ୍ତୁ ଆଶ୍ଚର୍ଯ୍ୟର ଘଟଣା ରାତିରେ ଚୋରା ଚାଲାଣ ସମୟରେ ମାଫିଆ ମାନେ ସଡ଼କ ପଥରେ ପୋଲିସ ପ୍ରତି ରଖୁଥିଲେ ନଜର l ଯେତବେଳେ ପୋଲିସ ଗାଡି ଦେଖୁଥିଲେ ସଂଗେ ସଙ୍ଗେ ଚୋରା ମାଫିଆ ମାନଙ୍କୁ ଖବର ଦେଉଥିଲେ l ଘଟଣା ସ୍ଥଳରୁ ପୋଲିସ ନିରାଶ ହୋଇ ଫେରୁଥିଲା l କିନ୍ତୁ ଏଠି ପୋଲିସ ନିଜର ବୁଦ୍ଧି ଖଟାଇ ଜଳପଥରେ ନିଜର ଅଭିଯାନ ଆରମ୍ଭ କରିଥିଲା l ଟାଙ୍ଗୀ ଥାନା ଅଧିକାରୀ ସୁଶାନ୍ତ ବେହେରାଙ୍କ ନେତୃତ୍ୱରେ ଏକ ଟିମ ବିଳମ୍ବିତ ରାତ୍ରିରେ ସୁସଜିତ ହୋଇ ସଡ଼କ ପଥ ଛାଡି ଜଳପଥ ଦେଇ ପହଂଚିଥିଲେ ଘଟଣା ସ୍ଥଳରେ, ପୋଲିସକୁ ଦେଖି ପଥର ମାଫିଆଙ୍କ ଅକଲ ଗୁଡ଼ୁମ l ପୋଲିସ କବଳରୁ ଖସିବା ପାଇଁ ପ୍ରଥମେ ସଡ଼କ ପଥ ଦେଇ ଖସିଯିବାକୁ ଚେଷ୍ଟା କରି ବିଫଳ ହେବାରୁ ବିକଳରେ ଚିଲିକାକୁ ଡେଇଁ ଫେରାର ହୋଇଥିଲେ ପଥର ମାଫିଆ l ଘଟନସ୍ଥଳରୁ ପୋଲିସ ଟ୍ରାକ୍ଟର, ଟ୍ରକ, ମିନିଟ୍ରକ, ଜେସିବି, ବାଇକ ଓ ପଥର କଟା ମେସିନ ଜବତ କରିଛି l ଏ ସଂକ୍ରାନ୍ତରେ ଟାଙ୍ଗୀ ଥାନାରେ ଏକ ମାମଲା ରୁଜୁ ହୋଇଛି l ଖୁବ ଶୀଘ୍ର ପଥର ମାଫିଆ ମାନଙ୍କୁ ଗିରଫ କରାଯିବ ବୋଲି ସୂଚନା ଦେଇଛନ୍ତି ଥାନା ଅଧିକାରୀ ସୁଶାନ୍ତ କୁମାର ବେହେରା l