ନୟାଗଡ଼, (ବାଘୁଆବାର୍ତ୍ତା): ଜାତୀୟ ଆଇନସେବା ପ୍ରାଧିକରଣ ଓ ରାଜ୍ୟ ଆଇନସେବା ପ୍ରାଧିକରଣଙ୍କ ନିର୍ଦ୍ଦେଶ ମତେ ଜିଲ୍ଲା ଜଜ୍କୋର୍ଟ ପକ୍ଷରୁ ସମସ୍ତ ବିଚାର ବିଭାଗୀୟ ଅଦାଲରେ ଜାତୀୟ ଲୋକ ଅଦାଲତ ଅନୁଷ୍ଠିତ ହୋଇଯାଇଛି । ଏଥିରେ ଜିଲ୍ଲାଜଜ୍ଙ୍କ ପକ୍ଷରୁ ୬୫ ଗୋଟି ଗାଡ଼ି ମୋଟର ମାମାଲା ଆଗତ କରାଯାଇ ୧୦ ଗୋଟି ମାମଲା ସମାଧାନ କରାଯାଇଛି । ଏ ବାବଦରେ ୯୯ ଲକ୍ଷ ୫ ହଜାର ବୀମାରାଶି ସଂପୃକ୍ତ ହିତାଧିକାରୀମାନଙ୍କୁ ପ୍ରଦାନ ପାଇଁ ଜିଲ୍ଲାଜଜ୍ ରୂପଶ୍ରୀ ଚୈାଧୁରୀ ଆଦେଶ ପ୍ରଦାନ କରିଛନ୍ତି । ସେହିପରି ଅତିରିକ୍ତ ଜିଲ୍ଲାଜଜ୍ ଇତିଶ୍ରୀ ମହାପାତ୍ର ୫୨ଟି ମାମଲା ଆଗତ କରି ୩ଟି ମାମଲା ବାବଦରେ ୧୨ ଲକ୍ଷ ୫ ହଜାର ବୀମାରାଶି ପ୍ରଦାନ ପାଇଁ ଆଦେଶ ପ୍ରଦାନ କରିଛନ୍ତି । ସେହିପରି ଭାବେ ପରିବାର ଅଦାଲତ ଜଜ୍ ପ୍ରଶାନ୍ତ କୁମାର ମିଶ୍ର ୧୪ଟି ମାମଲାର ସମାଧାନ କରିଥିବା କରିଥିବା ବେଳେ ସବଜଜ୍ଙ୍କ ପକ୍ଷରୁ ୧୩ଟି ଦେୱାନୀ ମାମଲାର ଫଇସଲା କରାଯାଇଛି । ୪ଟି ଚେକ୍ ବାଉନ୍ସ ମାମଲାକୁ ଆଜି ଫଇସଲା କରାଯାଇଥିବା କୋର୍ଟ ପକ୍ଷରୁ ସୂଚନା ମିଳିଛି । ଏତଦ୍ବ୍ୟତିତ ଦଶପଲ୍ଲା, ରଣପୁର, ଖଣ୍ଡପଡ଼ା, ଓଡ଼ଗାଁ, ଭାପୁରଠାରେ ୪୮୪ଟି ମାମଲାରୁ ୬୯ଟି ମାମଲା ଫଇସଲା କରାଯାଇଥିବା ଜଣାଯାଇଛି । ଏଥିସହିତ ଆଜି ୨୦୦୪ଟି ବ୍ୟାଙ୍କ ଋଣ ଅନାଦେୟ ମାମଲାରୁ ୧୦୧ଟି ମାମଲା ଫଇସଲା ହୋଇଥିବା ଜଣାଯାଇଛି । ଏହି ଲୋକ ଅଦାଲତର ସଫଳତା ପାଇଁ ଜିଲ୍ଲାଜଜ୍ ଶ୍ରୀମତି ଚୈାଧୁରୀ ସମସ୍ତ ଆଇନଜୀବୀ ଏବଂ ସମସ୍ତ ସହଯୋଗୀଙ୍କୁ ଧନ୍ୟବାଦ ଦେଇଛନ୍ତି ।
