ଓଡ଼ଗାଁ, (ବାଘୁଆବାର୍ତ୍ତା): ଓଡ଼ଗାଁ ରଘୁନାଥ ସମବାୟ ମହାବିଦ୍ୟାଳୟ ଉଦ୍ଭିଦ ବିଜ୍ଞାନ ବିଭାଗର ଛାତ୍ର ରମାକାନ୍ତ ମହାନ୍ତି ଚଳିତ ବର୍ଷ ରାଜ୍ୟ ସ୍ତରୀୟ ପି.ଜି ପ୍ରବେଶିକା ପରୀକ୍ଷାରେ ଚତୁର୍ଥ ସ୍ଥାନରେ ରହି ସମଗ୍ର ଜିଲ୍ଲା ତଥା ମହାବିଦ୍ୟାଳୟ ଏବଂ ଓଡ଼ଗାଁ ପାଇଁ ଗୌରବ ଆଣିଛନ୍ତି । ଏହା ସହିତ ବନାରସ ହିନ୍ଦୁ ବିଦ୍ୟାଳୟ, ଓ କେନ୍ଦ୍ରୀୟ ବିଶ୍ୱ ବିଦ୍ୟାଳୟର ପି.ଜି ପ୍ରବେଶିକା ପରୀକ୍ଷାରେ ଅନୁରୂପଭାବେ ସଫଳତା ପାଇଛନ୍ତି । ସୂଚନାଯୋଗ୍ୟ ଚଳିତ ବର୍ଷ +୩ ଶେଷ ବର୍ଷ ଉଦ୍ଭିଦ ବିଜ୍ଞାନ ସମ୍ମାନ ପରୀକ୍ଷାରେ ସର୍ବୋଚ୍ଚ ନଂ ରଖି ମହାବିଦ୍ୟାଳୟର ଟପ୍ପର ମଧ୍ୟ ହୋଇଥିଲେ।ରମାକାନ୍ତ ହେଉଛନ୍ତି ଓଡ଼ଗାଁ ପାଇକସାହି ନିବାସୀ ଶ୍ରୀଯୁକ୍ତ ପୀତବାସ ମହାନ୍ତିଙ୍କର ସୁଯୋଗ୍ୟ ସନ୍ତାନ ।ତାଙ୍କର ଏହି ସଫଳତା ପରେ ରଘୁନାଥସମବାୟ ମହାବିଦ୍ୟାଳୟ ଅଧ୍ୟକ୍ଷ ଶ୍ରୀଯୁକ୍ତ ଅଶ୍ୱିନୀ କୁମାର ନାୟକଙ୍କ ସମେତ ବିଭାଗୀୟ ମୁଖ୍ୟ ଡଃ ସୁକାନ୍ତ କୁମାର ସାହୁ ଏବଂ ସମସ୍ତ ଅଧ୍ୟାପକ, ଅଧ୍ୟାପିକା, କର୍ମଚାରୀ ଏବଂ ଅଞ୍ଚଳବାସୀ ଶୁଭେଚ୍ଛା ଜଣାଇବା ସହିତ ତାଙ୍କର ଉଜ୍ବଳ ଭବିଷ୍ୟତ କାମନା କରିଛନ୍ତ ।
