ଅତିରିକ୍ତ ତହସିଲଦାର ନିଯୁକ୍ତି ଦାବିରେ ଫାଟକ ବନ୍ଦ କଲେ ଆଇନଜୀବୀ

ଓଡ଼ଗାଁ(ବାଘୁଆବାର୍ତ୍ତା); ଓଡ଼ଗାଁ ତହସିଲ କାର୍ଯ୍ୟାଳୟରେ ଦୀର୍ଘ ୨ ବର୍ଷ ଧରି ଖାଲି ପଡିଥିବା ଅତିରିକ୍ତ ତହସିଲଦାରଙ୍କ ନିଯୁକ୍ତି ଦାବିରେ ତହସିଲ କାର୍ଯ୍ୟାଳୟ ଫାଟକ ବନ୍ଦ କରି ପ୍ରତୀକ ଧାରଣାରେ ବସିଥିଲେ ଓଡ଼ଗାଁ ବାର ଆସୋସିଏସନ ଆଇନଜୀବୀ ମାନେ । ଦୀର୍ଘ ଦିନ ଧରି ଉକ୍ତ ପଦବୀ ଖାଲି ପଡିଥିବାବେଳେ କରୋନା ଏବଂ ଅନ୍ୟାନ୍ୟ ଦାୟିତ୍ୱରେ ଥିବା ତହସିଲଦାର ଅନେକ ସମୟରେ ଅନୁପସ୍ଥିତ ରହୁଥିବାରୁ ମ୍ୟୁଟେସନ ,ଛାତ୍ରଛାତ୍ରୀଙ୍କ ପ୍ରମାଣପତ୍ର, ଉତ୍ତରାଧିକାରୀ ପ୍ରମାଣପତ୍ର ,ଜନ୍ମ ମୃତ୍ୟୁ ପ୍ରମାଣପତ୍ର,ଆଦି କାର୍ଯ୍ୟ ବାଧାପ୍ରାପ୍ତ ହେଉଛି ବୋଲି ବାର ଆସୋସିଏସନ ଅଧ୍ୟକ୍ଷ ପବିତ୍ର ମୋହନ ସାହୁ କହିଛନ୍ତି । ଏକ ସପ୍ତାହ ମଧ୍ୟରେ ଦାବି ପୂରଣ ନହେଲେ ଆଗାମୀ ଦିନରେ କୋଭିଡ ନିୟମ ମାନି ଶାନ୍ତିପୂର୍ଣ୍ଣ ଭାବରେ ଆନ୍ଦୋଳନ କରିବାକୁ ଚେତାବନୀ ଦେଇଛନ୍ତି ।ଇନ୍ଦୁଭୁବନ ମିଶ୍ରଙ୍କ ସମେତ ଅନ୍ୟ ଓକିଲ ବନ୍ଧୁ ମାନେ ଖୁବ ଶ୍ରୀଘ୍ର ସମସ୍ୟାର ସମାଧାନ ପାଇଁ ଦାବି ଉପସ୍ଥାପନ କରିଛନ୍ତି।