ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ସହର ସୈାନ୍ଦର୍ଯ୍ୟ କରଣ ପାଇଁ ଚାଲିଛି ଯୋଜନା । ନୟାଗଡ଼ ସହରରେ ଟ୍ରାଫିକ୍ ସମସ୍ୟା ଏବଂ ପାର୍କିଂ ସମସ୍ୟାକୁ ଦୃଷ୍ଟି ଦେଇ ଆଜି ଜିଲ୍ଲା ପ୍ରଶାସନ ଏଭଳି କିଛି ଯୋଜନା କରୁଥିବା ଜଣାଯାଇଛି । ନୟାଗଡ଼ ଜିଲ୍ଲାପାଳ ଡ. ପୋମା ଟୁଡୁ, ଆରକ୍ଷୀ ଅଧିକ୍ଷକ ପ୍ରତ୍ୟୁଷ ଦିୱାକର, ପୈାର ନିର୍ବାହୀ ଅଧିକାରୀ ସନ୍ତୋଷ କୁମାର ଜେନା, ପୂର୍ତ୍ତୀ ବିଭାଗ ଯନ୍ତ୍ରୀ ଏବଂ ଅନ୍ୟ କିଛି ବରିଷ୍ଠ ଅଧିକାରୀ ଆଜି ନୟାଗଡ଼ ସହର ଓଡ଼ଗାଁ ରାସ୍ତାରେ ଥିବା ରାଜୀବ ମାର୍କେଟ ଏବଂ ଜୁବୁଲି ମାର୍କେଟ ରାସ୍ତା କଡ଼ରେ ସୃଷ୍ଟି ହେଉଥିବା ପାର୍କିଂ ସମସ୍ୟା ଦେଖିବା ସହ ପାର୍କିଂ ପାଇଁ ସ୍ୱତନ୍ତ୍ର ବ୍ୟବସ୍ଥା କରିବା, ଡ୍ରେନ ଉପରୁ ଉଠା ଦୋକାନିଙ୍କୁ ହଟେଇବା ପାଇଁ ନିର୍ଦ୍ଦେଶ ଦେଉଥିବା ଦେଖାଯାଇଛି ।
