ନୟାଗଡ଼, (ବାଘୁଆବାର୍ତ୍ତା):ସ୍ଥାନୀୟ ଶ୍ରୀରାମକୃଷ୍ଣ ଆଦର୍ଶ ଶିକ୍ଷାକେନ୍ଦ୍ର ପରିସରରେ ନୟାଗଡ଼ କ୍ଳବ ର ଏକ ସାଧାରଣ ସଭା ଅନୁଷ୍ଠିତ ହୋଇ ଯାଇଛି। ଏହି ସଭାରେ ଅଭାବୀ ଗରିବ ଲୋକ ମାନଙ୍କୁ ପ୍ରତ୍ଯେକ ସଂକ୍ରାନ୍ତି ରେ ମାଗଣା ଜଳଖିଆ ବିତରଣ କରିବା ପାଇଁ ନିଷ୍ପତ୍ତି ନିଆଯାଇଛି ବୋଲି କ୍ଲବ୍ ର ସଭାପତି ସମାଜସେବୀ ପ୍ରମୋଦ ପଟ୍ଟନାୟକ ସୂଚନା ଦେଇଛନ୍ତି। ଆସନ୍ତା କାଲି ବିଛାସଂକ୍ରନ୍ତି ସୋମବାର ସକାଳ ୮ଟା ୩୦ ମିନିଟ୍ ସମୟରେ ନୟାଗଡ଼ ଆହାର କେନ୍ଦ୍ର ନିକଟରେ ଏହି ଜଳଖିଆ ବିତରଣ କାର୍ଯ୍ୟକ୍ରମର ଶୁଭାରମ୍ଭ ହେବ ବୋଲି ସୂଚନା ମିଳିଛି। ଏହି ସାଧାରଣ ସଭାରେ କ୍ଲବର ଉପସଭାପତି ଅରୁଣ କୁମାର ମହାନ୍ତି, ସଂପାଦକ ମିହିର ରଂଜନ ନାୟକ, କୋଷାଧ୍ୟକ୍ଷ ଶ୍ରୀଧର ସାହୁ, ସଦସ୍ଯ ସନ୍ତୋଷ କୁମାର ନାୟକ, ହିମାଂଶୁ ପଟ୍ଟନାୟକ , ଧୀରେନ୍ଦ୍ର ପଟ୍ଟନାୟକ , ପ୍ରସନ୍ନ କୁମାର ବସନ୍ତିଆ ଓ ଅବିନାଶ ସାହୁ ଉପସ୍ଥିତ ଥିଲେ।
