ନୟାଗଡ଼, (ବାଘୁଆବାର୍ତ୍ତା): ବିଶିଷ୍ଟ କଣ୍ଠଶିଳ୍ପୀ ତଥା ଅନ୍ୟତମ ସାଲବେଗ ଭିକାରି ମହମ୍ମଦଙ୍କରେ ଏକ ଶ୍ରଦ୍ଧାଞ୍ଜଳି ସଭା ସ୍ଥାନୀୟ ପୂର୍ତ୍ତବିଭାଗ ଡାକବଙ୍ଗଳା ଠାରେ ଅନୁଷ୍ଠିତ ହୋଇଯାଇଛି। ନୟାଗଡ଼ ଜିଲ୍ଲା ଲେଖକ ପରିଷଦ, ସୁଧା ସାଂସ୍କୃତିକ ପରିଷଦ,ମା ଫାଉଣ୍ଡେସନ, ପରମ୍ପରା,ସଦାନନ୍ଦ ସାହିତ୍ୟ ପରିଷଦ,ମୈତ୍ରୀ ଯୁବ ସଂସଦ ଏବଂ ଆର୍ଟ ପଏଣ୍ଟ ନୟାଗଡ଼ ତରଫରୁ ଆୟୋଜିତ ଏହି ଶ୍ରଦ୍ଧାଞ୍ଜଳି ସଭାରେ ସ୍ବର୍ଗତ ଆତ୍ମାର ସଦଗତି କାମନା କରାଯାଇ ଦୁଇ ମିନିଟ ନିରବ ପ୍ରାର୍ଥନା କରାଯାଇଥିଲା। ସମାଜସେବୀ ପ୍ରମୋଦ ପଟନାୟକଙ୍କ ପୌରହିତ୍ୟରେ ଆୟୋଜିତ ଶ୍ରଦ୍ଧାଞ୍ଜଳି ସଭାରେ ଶେଖ ଅବଦୁଲ ଖାଲିକ,ଲକ୍ଷ୍ମୀଧର ସାହୁ, ପ୍ରଦୀପ ସାହୁ, ଆଶୁତୋଷ ମିଶ୍ର, ଅଶୋକ ମଲ୍ଲ, ଆଦିତ୍ୟ ମିଶ୍ର,ସରୋଜ ସାହୁ, ପ୍ରଶାନ୍ତ କୁମାର ଦାଶ, ରଶ୍ମିରଞ୍ଜନ ଜେନା, ବିଜୟନନ୍ଦ ମହାପାତ୍ର ପ୍ରମୁଖ ଯୋଗଦାନ କରି ସ୍ବର୍ଗତ ଭିକାରି ମହମ୍ମଦଙ୍କ ସ୍ମୃତିଚାରଣ କରିବା ସହ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।
